شانۆنامەی "چەکوش" لە فیستیڤاڵی میتان نمایشکرا
"فێستیڤاڵی شانۆی میتان"، لە شەشەمین رۆژی فیستیڤاڵەکەدا، بە شانۆگەرییەکی گرووپی شانۆیی ناوەندی رۆشنبیری و هونەری شاری کۆبانی دەستیپێکرد.
لە شەشەمین ڕۆژی چالاکییەکانی فێستیڤاڵەکەدا، شانۆگەرییەک لە ژێر ناوی "چەکوش"، کە لەلایەن گروپی "شەهید یەکتا"ی سەر بە ناوەندی ڕۆشنبیری و هونەری کۆبانی پێشکەشکرا.
شانۆنامەکە کاری نووسینی لەلایەن "سمکۆ جودی"، و کاری دەرهێنانیشی لەلایەن "جیب مەشید" بۆ کرابوو.
ناوەڕۆکی شانۆنامەکە باسی لە زۆرداری داگیرکەرانی کوردستان دەکرد، هەروەها بەرخۆدانی گەلی کوردیشی دەخستەڕوو کە لەکۆتاییدا دەبێتە هۆی گەیشتن بە دادپەروەری و دیموکراسی.
چالاکییەکانی خولی پێنجەمی فێستیڤاڵی شانۆی میتان لە 10ی کانوونی دووەمی 2024، لەسەر تەختەی شانۆی میتان لە قەزای ئەحدەس لە شاری شەهبا، لەژێر دروشمی "هەموومان ئومێدمان هەیە، کاتی گەڕانەوە نزیکە" دەستیپێکرد.
16/01/2024