توێژینەوەیەکی زانستی کە لە گۆڤاری ساینس ئەدڤانسسدا بڵاوکراوەتەوە، ئاماژەی بەوەکردووە، کە گەرمای زۆر و دووکەڵی ئاگری دارستانەکانەکان زۆرترین زیان بە کۆمەڵگە کەمدەرامەتەکان و وڵاتە تازەپێگەشتووەکان دەگەیەنن.

بە گوێرەی دەرئەنجامی توێژینەوەکە، مەترسی مردن لەو ڕۆژانەدا زیادیکردووە، کە پلەی گەرمای بەرز و پیسبوونی هەوا هاوکات بوون، بەجۆرێک ئەگەری مردن لە کاتی شەپۆلی گەرما بە تەنیا ڕێژەکەی  6.1 % و لەکاتی  پیسبوونی هەواش بە تەنیا  ڕێژەکە 5%ە؛ بەڵام  لەو ڕۆژانەی کە پلەی گەرمای بەرز و پیسبوونی هەوا هاوکاتن، مەترسییەکە بەرزبووەتەوە بۆ ڕێژەی 21%.

 توێژینەوەکە ئاشکراشیکردووە، گۆڕانی کەشوهەوا ژمارەی کارەساتە سروشتییەکان چەند ‌هێندە دەکات، زیانەکانی پلەی گەرمایی بەرز و هەڵمژینی هەوای پیس ، بووەتە هۆی زیادبوونی ژمارەی داخڵبوونی نەخۆش لە نەخۆشخانەکان  ئەمەش بە شێوەیەکی ناڕێژەیی کاریگەری لەسەر کۆمەڵگە کەمدەرامەتەکان دادەنێت.