لە رووداوێکی هاتووچۆدا لەسەر رێگای کەلار- خانەقین هەشت کەس برینداربوون
لە رووداوێکی هاتووچۆدا لەسەر رێگای کەلار - خانەقین هەشت کەس برینداربوون، هاتووچۆی گەرمیانیش دەڵێت، رووداوەکە لە جۆرى پێکدادان بووە و سەرجەم بریندارەکان رەوانەى نەخۆشخانە کراون.
ئەمڕۆ یەکشەممە 25ـی شوباتى 2024، راگەیاندنی هاتوچۆی گەرمیان بڵاویکردەوە، "لەسەر رێگای کەلار- خانەقین دوو ئۆتۆمبێلی جۆری تۆیۆتا کۆرۆلا و بی ئێم دەبلیو پێکیاندادا، بەهۆیەوە شۆفێر و پێنج سەرنشینی ئۆتۆمبێلی جۆری بی ئێمە دەبلیوەكە کە بەئاڕاستەی قەزای خانەقین رۆیشتووە برینداربوون".
روونیشكراوەتەوە، "لە رووداوەکەدا شۆفێری و سەرنشینێکی تۆیۆتا کۆرۆلاکە برینداربوون کە بەئاڕاستەی کەلار چووبوون".
راگەیاندنی هاتوچۆی گەرمیان ئاماژەی بەوەشكردووە، "سەرجەم بریندارەکان بەمەبەستی وەرگرتنی چارەسەر گەیەنراونەتە نەخۆشخانەی فریاکەوتنی شەهید هەژار لە کەلار و لێکۆڵینەوە لە رووداوەکە لەلایەن تیمی هاتوچۆوە دەستیپێکردووە".
25/02/2024