لە لوتکەی وڵاتانی هەناردەکاری گاز لە جەزائیر، لەتیف رەشید، سەرۆککۆماری عێراق و ئیبراهیم رەئیسی، سەرۆککۆماری ئێران کۆبوونەوە.

ئەمڕۆ 2ـى ئازاری 2024، نوسینگەی راگەیاندنی سەرۆککۆماری عێراق بڵاویکردەوە، لە پەراوێزی لوتکەکەدا هەر دوو سەرۆککۆمار لە کۆبوونەوەکەدا پەیوەندییەکانی نێوان وڵاتەکانیان و  بەرژەوەندییە هاوبەشەکانی عێراق و ئێرانیان تاوتوێکردووە.

ئاماژەی بەوەشکردووە، هەردوو سەرۆککۆمار هاوڕابوون لەسەر ئەوەی پێکەوە بۆ کەمکردنەوەی گرژییەکانی ناوچەکە و  چەسپاندنی ئاشتی و ئاسایشی رۆژهەڵاتی ناوەڕاست کاربکەن.

ئەوەش خراوەتەڕوو، ئیبراهیم رەئیسی سەرۆککۆماری ئێران جەختی لە گرنگی پاراستنی سەقامگیری و ئاسایشی عێراق کردووەتەوە،  بەڵێنی داوە وڵاتەکەى بەردەوامبێت لە هەماهەنگی زیاتر لەگەڵ عێراق بۆ چەسپاندنی ئاسایشی لە ناوخۆی.