کۆمپانیای مایکرۆسۆفت، لەراپۆرتێکدا ئاماژە بەوەدەکات، وڵاتى چین لەرێگاى بەکارهێنانى ژیرى دەستکرد ناکۆکى لەنێوان هاوڵاتییانى ئەمریکا درووستدەکات.

کۆمپانیای مایکرۆسۆفت هیچ بەڵگەیەکى نەخستوەتەڕوو بەڵام هۆشداریدەدات لەو هەوڵەى وڵاتى چین و دەڵێت، "ژیریی دەستکرد بە مەبەستی وروژاندنی ململانێ و درووستکردنی کێشە لەنێوان هاوڵاتیانی ئەمریکیدا بەکاردەهێنێت.

سەنتەری لێکۆڵینەوە لە مەترسی و هەڕەشەی سەر بە کۆمپانیای مایکرۆسۆفت، لە راپۆرتێکی نوێدا ئاماژە بەوەدەکات چین تادێت ژیریی دەستکرد بەکاردەهێنێت بۆ دروستکردنی هەژماری ساختە لە سۆشیاڵمیدیادا و دواتریش بڵاوکردنەوەی ناوەڕۆک لەسەر پرسە گەرمەکانی وەک گۆڕانی کەشو هەوا، پرسی کۆچبەران و جیاوازییە ڕەگەزییەکان، بۆ وروژاندنی مشتومڕ و دابەشکردنی خەڵکی ئەمریکا.

هەروەها لە راپۆرتەکەشدا هاتووە، چین سوود لە رووداو و کارەساتە سروشتییەکان وەردەگرێت بۆ ئەوەی خەڵکی متمانەیان بە حکومەت نەمێنێت، دەشڵێت: هەژمارەکانی سۆشیالمیدیای سەر بە حکومەتی چین پێشتر خۆیان وەک دەنگدەرانی ئەمریکا نیشانداوە بۆ ئەوەی کاریگەرییان لەسەر هەڵبژاردنەکان هەبێت.