بافڵ جەلال تاڵەبانی لە واشنتن لەگەڵ بەرپرسانی ئەمریکا کۆدەبێـتەوە
هونەر رۆستەم 07/05/2024
دوای ئەوەی دوێنێ سەرۆکی یەکێتیی نیشتمانیی کوردستان گەیشتە واشنتن، بڕیارە ئەمڕۆ ژمارەیەک کۆبوونەوە لەگەڵ بەرپرسانی باڵای ئەمریکا ئەنجامبدات.
بافڵ جەلال تاڵەبانی، سەرۆکی یەکێتیی نیشتمانیی کوردستان بە سەردانێک لە واشنتنە و بڕیارە ژمارەیەک کۆبوونەوە لەگەڵ بەرپرسانی باڵای ئەمریکا ئەنجامبدات تایبەت بە دۆخی سیاسی، ئەمنی و ئابووریی هەرێمی کوردستان و عێراق.
بە گوێرەی زانیارییەکانی کەناڵ8، سەرۆکی یەکێتیی نیشتمانیی کوردستان لە سەردانەکەیدا زنجیرەیەک دیدار لەگەڵ بەرپرسانی باڵای حکومەتی ئەمریکا لەناویاندا وەزارەتی دەرەوە، کۆنگرێسی ئەمریکا و ناوەندەکانی توێژینەوە ئەنجامدەدات.
هونەر رۆستەم
07/05/2024