د. هەڵۆ هاشم شوانی, پسپۆڕی نەشتەرگەریی گورچیلە، میزەڕۆ و پرۆستات و نەزۆکیی پیاوان

هۆکارەکانی لاوازی سێکسی دابەش دەبن بۆ دوو هۆکاری سەرەکی کە بریتین لە:

1. کێشە دروونییەکانی وەکو خەمۆکی، دڵەڕاوکێ، بیرکردنەوەی زۆر

2. کێشە جەستەییەکان کە ئەمانیش بریتیینلە:

• نەخۆشیەکانی شەکرە، بەرزەفشاری خوێن، غودە، تێکچوونی هۆرمۆنی نێرینە، سستبوونی گورچیلە، لەکارکەوتنی جگەر و بەرزبوونەوەی چەورییەکان

• نەخۆشییەکانی ئەندامی میزەڕۆ و زاوزێ وەکو گەورەبوونی پرۆستات، هەوکردنی میزەڕۆ، گیرانی خوێنبەرەکان و زەبرگەیشتن بە ئەندامی نێرینە و دەمارەکانی دەوروپشتی بەهۆی نەشتەرگەری و چارەسەر بە تیشک

• نەخۆشییەکانی مێشک و دەمار وەکو جەڵتەی مێشک و زەبرگەیشتن بە دڕکەپەتک و رەقبوونی دەمارەکان و ئاڵزهایمەر

• هەندێک لە دەرمانەکان دەبنەهۆی لاوازیی سێکسی وەکو هەندێک دەرمانی بەرزەفشاری خوێن و دڵ و هەندێک دەرمانی خەمۆکی .

• شێوازی ژیانی ناتەندروست وەکو جگەرەکێشان، مەی خواردنەوە و خواردنی خۆراکی لەقوتونراو، وەرزش نەکردن و قەڵەوی رێگرن بۆ ژیانێکی سێکسیی تەندروست