شکور مستەفا، یەکێک بووە لە دیارترین نووسەر و وەرگێڕەکانی کورد، لە چوارچێوەی وەرگێڕانی زارە کوردییەکان و زمانی بیانییدا، ڕۆڵێکی گەورەی گێڕاوە.

---

شکور مستەفا ساڵی 1926 لە گوندی مامشەی ناوچەی قەرە حەسەن لەدایکبووە، لە شاری کەرکووک ئاشنای خوێندنی ئایینی بووە و ساڵی 1949 کۆلێژی شەریعەتی لە شاری بەغداد تەواوکردووە.

---

شارەزایی لە زمانەکانی؛ کوردی، تورکی، عەرەبی و فارسی هەبووە، وێڕای کاری مامۆستایەتی، ساڵی 1975 لە کۆڕی زانیاری کورد دامەزراوە و لە بەغداد کراوە بە ئەمینداری گشتی و ڕۆڵێکی کارای دیوە لە بەڕێوەبەردنی کارەکانی کۆڕەکەدا، چەندین کتێبی لە زمانەکانی تورکی، ئازەری و عەرەبییەوە وەرگێڕاوەتە سەر زمانی کوردی.

---

لە ئاستی نووسین و وەرگێڕاندا، جێدەستی لەسەر چەندین بەرهەمی دیاردا بەجێهێشتووە، لەوانە بابەتەکانی ڕۆمان، چیرۆک، مێژوو و شانۆنامە، لە دیارترینیان:

قەڵای دمدم

کۆمەڵە تێکستی فۆلکلۆری کوردی

سترانا زارگوتنا کوردیە تاریخی

کاریتە و ئەفسانەی چیای ئاگری

زەوی و مس و ئاسن

---

ڕێکەوتی 19ی ئەیلوولی 2003، شکور مستەفا لە تەمەنی 77 ساڵیدا کۆچی دوایی کردووە و لە شاری هەولێر بە خاک سپێردراوە.