سەرۆکی یەکێتیی نیشتمانیی کوردستان لە دوایین کەرنەڤاڵی بانگەشەی هەڵبژاردنی حیزبەکەی لە هەولێر رایگەیاند، پرۆژەیەکیان بەناوی 2030 هەیە بۆ کوردستان و لە چەند رۆژی داهاتوودا ناوەڕۆکەکەی بۆ هاونیشتمانییان بڵاودەکەنەوە.

بافڵ جەلال تاڵەبانی، سەرۆکی یەکێتیی نیشتمانیی کوردستان گوتی، "پێویستە حکومەت شەفاف بێت"، حکومەتیشى بەوە تۆمەتبار کرد داهاتى نەوت دەدزێت و گوتى "من ناهێڵم گازەکە بدزن".

ئاماژەی بەوەشكرد، سیاسەتى نەوت و گاز و سیستمی دادوەریی لە هەرێمی کوردستان پێویستی بە ریفۆرم هەیە، ئەوەی هەمانە دادگا نییە.

بافڵ جەلال تاڵەبانی، لەبەشێكی دیكەی قسەكانیدا باسی لەوەكرد، ئەو ستەمەی کەمینەیەک لە حیزبێکدا دەیکات، کۆتایی پێدەهێنن.