د. فاتیمە حەبیب, پسپۆڕی نەخۆشییەکانی ژنان و مناڵبوون

لە سێ مانگی یەکەمی دووگیانیدا پێویستە خانمان دووربکەونەوە لە هەندێک خۆراک بۆ دڵنیابوونەوە لە تەندروستی و سەلامەتیی خۆیان و کۆرپەلەکانیان. لێرەدا چەند خۆراکێک دەخەینەڕوو کە دەبێت خانمان لەم ماوە گرنگەدا لێیان دووربکەونەوە:

1.  گۆشت و ماسیی کاڵ یان کەمکوڵاو: ئەمانە دەتوانن بەکتریا یان مشەخۆری زیانبەخشی وەکو لیستریا، سالمۆنێلا، و تۆکسۆپلازما لەخۆبگرن. گۆشتی کەمکوڵاو دەکرێت هەڵگری بەکتریا یان مشەخۆر بێت کە مەترسی بۆ سەر کۆرپەلە دروستدەکات.

2.  گۆشتی دەستکاریکراو: هۆت دۆگ و سۆسج، ئەم گۆشتە دەستکاریکراوانە لەوانەیە بەکتریای لیستیریایان تێدابێت، کە بەکتریایەکە دەبێتەهۆی لەبارچوونی منداڵ.

3.  بەرهەمە شیرەمەنییە پاستوریزە نەکراوەکان: شیری کاڵ، پەنیری نەرم وەکو پەنیری شین و فێتا، ئەمانە لەوانەیە لیستیریایان تێدابێت کە لە کاتی دووگیانیدا مەترسیدارە

4. هێلکەی کاڵ یان کەمکوڵاو: هەمیشە هێلکەی تەواو کوڵاو بخۆ

5.  هەندێک ماسی کە ڕێژەی جیوە بەرزە: وەکو ماسییە دەریاییەکان

6. میوە و سەوزەی نەشۆراو: سەوزە و میوە لەوانەیە بەکتریا یان مشەخۆری زیانبەخشیان تێدابێت، وەکو تۆکسۆپلازما

7.  کافاین: سنووردارکردنی وەرگرتنی کافاین بۆ 200 میلیگرام لە رۆژێکدا (نزیکەی کووپێک قاوە  و سێ کووپ چا)

8. مەی: هیچ بڕێکی خواردنەوە کحولیەکان لە کاتی دووگیانیدا بە سەلامەت دانانرێت

9. جگەری ئاژەڵ: دوورکەوتنەوە لە جگەر چونکە رێژەیەکی بەرزی ڤیتامین A یان تێدایە کە زیان بە کۆرپە دەگەیەنێت

10. شیرینکەری دەستکرد و هەندێک چای گیایی: سنوردارکردنی شیرینکەرە دەستکردەکانی وەک ئەسپارتام و دوورکەوتنەوە لە چای گیایی، چونکە رەنگە بۆ دووگیانی سەلامەت نەبن.

بە دوورکەوتنەوە لەم خۆراکانە دەتوانیت یارمەتیدەر بیت لە دڵنیابوونەوە لە دووگیانییەکی تەندروست، بەتایبەتی لە سێ مانگی یەکەمی دووگیانیدا.