بۆ پشکنینی تەندروستیی کۆئەندامی هەرس دەتوانرێت پشت بەم نیشانانە ببەسترێت:

1. هەرسکردنی تەندروست: یەکێک لە نیشانەکانی کۆئەندامی هەرسی تەندروست ئەوەیە کە توانای خواردن و هەرسکردنی خۆراک بەبێ کێشەی وەک هەستکردن بە ئاوسانی سک، ئازار، دڵتێکچوون و جووڵەی ریخۆڵە بەشێوەیەکی رێکوپێک و هاوسەنگە.
2. نەبوونی هیچ نیشانەیەکی بێزارکەر: ئەگەر تووشی باکردنی زۆر، سکچوون، قەبزیی بەردەوام، یان زۆرجار گەڕانەوەی ترشەڵۆک نەبوویت، ئەمە واتای ئەوەیە کۆئەندامی هەرست بە باشی کاردەکات
3. رەنگ و شێوەی پیسایی: پیسایی دەبێت رەنگی قاوەیی بێت و یەکگرتوویی مامناوەندی هەبێت. گۆڕانی هەمیشەیی لە رەنگدا (وەک دەرکەوتنی خوێن یان ڕەنگی ڕەش) یان سکچوون دەتوانێت ئاماژە بێت بۆ کێشەی هەرس
4. نەبوونی نیشانە درێژخایەنەکان: وەک ئازاری بەردەوامی سک یان دابەزینی کێشی لەش بەشێوەیەکی ناڕوون، لەوانەیە ئاماژە بێت بۆ کێشەیەک کە پێویستی بە پشکنینی پزیشکی هەیە
5. هەستکردن بە باشی و ئاسوودەیی: تەندروستیی هەرس پەیوەندییەکی نزیکی بە باشی و تەندروستیی دەروونییەوە هەیە، بەو پێیەی مایکرۆبایۆمێکی هاوسەنگی ریخۆڵە سیستەمی بەرگری و باری دەروونی بەرزدەکاتەوە

بۆ پاراستنی تەندروستیی  کۆئەندامی هەرس باشترە خۆراکێکی هاوسەنگ بخورێت کە ریشاڵی تێدایە و بڕێکی پێویست ئاو بخورێتەوە و بە بەردەوامی وەرزشبکرێت و خۆبەدووربگیرێت لە جگەرە و کحول

د. فایەق محەمەد گوڵپی

پسپۆڕی نەشتەرگەریی گشتی و کۆئەندامی هەرس