دەرهێنانی ئاوی پشت بریتییەلە وەرگرتنی نموونەیەک لە ئەو شلەیەی دەوری مێشک و دڕکەپەتکی داوە، لەرێگەی بردنەناوەوەی دەرزییەک لە بەشی خوارەوەی پشت.

ئەم شلەیە، بەشێوەیەکی ئاسایی، شلەیەکی روونە؛ شەکر، پرۆتین و خرۆکەی سپی خوێنی تێدایە. بۆ دەستنیشانکردن و هەندێکجاریش وەکو چارەسەر بۆ چەند نەخۆشییەکی دیاریکراو بەکاردەهێنرێت.

دەرهێنانی ئاوی پشت بۆچی دەکرێت؟

• بۆ دەستنیشانکردنی هەوکردن لە کۆئەندامی مێشک و دەمار
• بۆ دەستنیشانکردنی شێرپەنجەی مێشک
• بۆ دەستنیشانکردنی چەند نەخۆشییەکی دەماری
• بۆ پێوانەکردنی شلەی دەوری مێشك و دڕکەپەتک
• بۆ کەمکردنەوەی پەستانی ناو کاسەی سەر

چ کاتێک پێویستە ئەم کردەیە ئەنجامنەدرێت یان بەوریاییەوە ئەنجام بدرێت؟

• کاتێک دۆخی تەندروستیی چارەخوازەکە جێگیر نەبێت
• بوونی هەوکردن لە شوێنی وەرگرتنی نموونەکە لە پشتدا
• کاتێک کەسەکە گرفتی خوێنبەربوونی هەبێت
• لە کاتی بوونی ئاوساوی لە دیسکی دەماری چاودا
• کاتێک باری هۆشداری کەسەکە بەتوندی دابەزیبێت
• بەماوەیەکی کەم پاش فێلێهاتن

ماکەکان

• سەرئێشەی دوای دەرهێنانی ئاوی پشت
• پشتئێشە
• خوێنبەربوون
• هەوکردن
• فتقی مێشک، ئەگەر پێشتر پشکنینی سیتی سکانی مێشکی بۆ نەکرابێت

چارەخواز پێویستە چۆن خۆی بۆ دەرهێنانی ئاوی پشت ئامادەبکات؟

• پێویستە مێژووی تەواوی نەخۆشییەکە بدات بە پزیشک
• پزیشک ئاگاداربکاتەوە لە بەکارهێنانی هەر دەرمانێکی خوێنڕوونکردنەوە