د. داهات حەوێزی، پزیشکی پسپۆڕی هەناوی و شەکرە، دەڵێت:

• گەرمای هاوین مەترسیی وشکبوونەوەی جەستە زیاد دەکات، بە تایبەتی بۆ چارەخوازانی شەکرە
• بەرزبوونەوەی ئاستی شەکری خوێن وا لە جەستە دەکات ئاوی زیاتر لە ڕێگەی میزکردن لەدەست بدات، بۆیە لە هاویندا ئەگەری وشکبوونەوەی جەستە زیاترە لە ئەو چارەخوازانەدا

نیشانەکانی وشکبوونەوەی جەستە چین؟

• تینویەتیی زۆر
• وشکبوونی دەم
• کەمیی میزکردن یان تۆخبوونی ڕەنگی میز
• سەرگێژبوون یان ماندووبوون بەرزبوونەوەی ئاستی شەکرەی خوێن

زانیاریی زیاتر.....ڕێنوێنیی بۆ چارەخوازان

• بە بەردەوامی ئاو بخۆرەوە، تەنانەت ئەگەر تینووشت نەبێت
• لە کاتی گەرمای تونددا لە تیشکی خۆری ڕاستەوخۆ خۆت بپارێزە
• بەبەردەوامی پشکنینی ئاستی شەکری خوێن بکرێت
• سەوزەکان بخورێن، چونکە ڕێژەیەکی باش ئاویان تێدایە
• دەرمانەکانت بەپێی ڕێنمایی پزیشک بەکاربهێنە، ئەگەر نیشانەکانی وشکبوونەوەت هەبوو یان سکچوونی بەردەوامت هەبوو، پێویستە پزیشکەکەت ئاگاداربکەیتەوە
• شێداریی جەستە و ئاوخواردنەوە تەنیا بۆ کەمکردنەوەی تینویەتیی نییە، بەڵکو بەشێکی گرنگە لە کۆنتڕۆڵکردنی ئاستی شەکری خوێن و پاراستنی تەندروستیت

بۆ زانیاریی زیاتر لەسەر وشکبوونەوەی جەستە، دەتوانن سەردانی ئەم لینکەی خوارەوە بکەن:

How To Manage Diabetes and Heat