د. دارا محێدین، پزیشکی پسپۆڕی نەخۆشییەکانی دڵ و قەستەرە، دەڵێت:

• بەرزیی شەکری خوێن بە تێپەڕبوونی کات کاریگەریی دەکاتە سەر لوولەکانی خوێن و مەترسیی تووشبوون بە نەخۆشییەکانی دڵ و لوولەکانی خوێن زیاد دەکات، تەنانەت ئەگەر کەسەکە نیشانەیەکی ئەوتۆی نەبێت
• بەرگریی ئینسۆلین، زۆرجار هاوکاتە لەگەڵ بوونی بەرزیی چەورییە سیانییەکان، بەرزەفشاری خوێن و زیادبوونی هەوکردن
  

ڕێنوێنییە خۆپارێزییەکان

• باشترکردنی ئاستی چالاکی، خەو، کێش و خۆراک  یارمەتیی کۆنتڕۆڵکردنی ئاستی شەکری خوێن دەدەن
• بەشێک لە چارەخوازان سوود لە بەکارهێنانی دەرمان وەردەگرن بۆ کەمکردنەوەی مەترسییەکانی تووشبوون بە نەخۆشییەکانی دڵ و مولوولەکانی خوێن بەهۆی بەرزیی ئاستی شەکری خوێنیانەوە
• ئەگەر بەهۆی ڕێکارە خۆپارێزییەکان و وەرگرتنی دەرمانەوە بەرزیی ئاستی شەکری خوێن چارەسەر نەکرێت، ئاڵۆزییەکانی دڵ و لوولەکانی خوێن مەترسیی گەورە بۆ سەر ژیانی چارەخوازەکە دروست دەکەن

بۆ وەرگرتنی زانیاریی زیاتر لەسەر بەرزیی ئاستی شەکری خوێن، دەتوانن سەردانی ئەم لینکەی خوارەوە بکەن:

چۆن نەخۆشیی شەکرە دەبێتەهۆی رەشبوونەوەی پێیەکان؟