دژەتیرۆر لە هەولێر: نووسینگەی تایبەتیی سەرۆکوەزیران لە پیرمام بە دوو درۆن کراوەتە ئامانج
پووختەی هەواڵەکە:
- دژەتیرۆر لە هەولێر: شوێنی حەوانەوەی بەڕێوەبەری ئاژانسی پاراستن لە پیرمام کرایە ئامانج
- دژەتیرۆر لە هەولێر: هێرشەکانی سەر پیرمام مایەی قبووڵکردن نین و بەرپرسیارێتییەکەی لە ئەستۆی ئەنجامدەرانیدایە
- دژەتیرۆر لە هەولێر: ئەو درۆنانەی ئاڕاستەی پیرمام کران لە دیوی ئێرانەوە هەڵدراون
بە گوێرەی زانیارییەک کە بە کەناڵ8 گەیشتووە، بە دوو درۆنی بۆمبڕێژکراو هێرشکرایە سەر نووسینگەی تایبەتی سەرۆکوەزیرانی هەرێمی کوردستان لە پیرمام و دژەتیرۆر لە هەولێریش دەڵێت، هێرشەکان لە ئێرانەوە کراون و مایەی قبوڵکردن نین و بەرپرسیارێتییەکەی لە ئەستۆی ئەنجامدەرانیدایە.
ڕاگەیێنراوی دژەتیرۆر لە هەولێر
- هێرشەکان بە درۆنی جۆری حەدید 110- بارەگای نووسیکەی تایبەتی مەسرورو بارزانی کراوەتە ئامانج
- هێرشە درۆنییەکە هیچ زیانێکی گیانیی نەبووە
- درۆنەکان لە دیوی سنووری ئێرانەوە ئاڕاستەکراون
- دژەتیرۆرلە هەولێر سەرکۆنەی هێرشەکەی کردووە
بەگوێرەی ڕاگەیێنراوی دژەتیرۆر لە هەولێر، بەرەبەیانی ئەمڕۆ دووشەممە، کاتژمێر 12 و 28 خولەک، بە دوو درۆنی بۆمبڕێژکراو لە جۆری (حەدید-110)، بارەگای نووسینگەی تایبەتی مەسرور بارزانی، سەرۆکوەزیرانی هەرێمی کوردستان و شوێنی حەوانەوەی بەڕێوەبەری ئاژانسی پاراستن لە قەزای پیرمامی پارێزگای هەولێر، کرانە ئامانج.
دژە تیرۆر دەڵێت، هێرشە درۆنییەکە هیچ زیانێکی گیانیی نەبووە و ئاماژە بەوەش دەکات، درۆنەکان لە دیوی سنووری ئێرانەوە ئاڕاستەکراون.
سەرکۆنەکردنی هێرشەکە
دژەتیرۆر سەرکۆنەی هێرشەکانی کردووە و بە "دەستدرێژیی و قبوڵنەکراو" ناوی بردووە، ئاماژە بەوەش دەکات، تەواوی بەرپرسیارێتیی لێکەوتەکانی هێرشەکە، لە ئەستۆی ئەنجامدەرانیدایە.
زانیاری زیاتر بۆ تۆ
مەسرور بارزانی: هێرشی درۆنی ئێرانی بۆسەر نوسینگەکەم پەرەسەندنێکی مەترسیدار و قبووڵنەکراون
قوباد تاڵەبانی ئیدانەی بە ئامانجگرتنی نووسینگەی سەرۆکی حکومەت دەکات
نێچیرڤان بارزانی هێرشی درۆنیی سەر نووسینگەی سەرۆکوەزیران ئیدانە دەکات
2 کاتژمێر پێش ئێستا