د. دالیا تاریق، پزیشکی پسپۆڕی نەشتەرگەری، سەبارەت بە فتقی شوێنی نەشتەرگەری، دەڵێت:

• دوای نەشتەرگەرییەکانی سک، هەندێک جار ماسولکەکانی ژێر برینەکە بە تەواوی بەهێز نابنەوە
• فتقی شوێنی نەشتەرگەری کاتێک ڕوودەدات کە بەشێک لە ئەندامەکانی ناو سک (وەک ڕیخۆڵە) لەو خاڵە لاوازەی برینەکەوە دەربپەڕێنە دەرەوە و ئاوساوییەک دروست بکەن

هۆکارەکانی دروستبوونی فتقی شوێنی نەشتەرگەری

• پەستانی بەرز لەسەر سک: کۆکەی بەردەوام، هەڵگرتنی شتی قورس یان قەبزیی دوای نەشتەرگەری
• هەوکردنی برینەکە: زیان بە شانەکان دەگەیەنێت و لاوازیان دەکات
• نەخۆشییە درێژخایەنەکان: شەکرە، قەڵەوی، یان کەمبوونەوەی ئاستی بەرگریی جەستە

نیشانەکانی فتقی شوێنی نەشتەرگەری

• دەرکەوتنی ئاوساوی لەسەر جێگەی برینی نەشتەرگەرییەکە (بەتایبەت لە کاتی وەستان یان کۆکە)
• بوونی ئازار یان هەستکردن بە قورسی لە شوێنی فتقەکە

چارەسەری فتقی شوێنی نەشتەرگەری

• چارەسەری سەرەکی فتقی شوێنی نەشتەرگەری، ئەنجامدانی نەشتەرگەرییە بۆ چاککردنەوەی شوێنی فتقەکە (زۆرجاریش دانانی شەبەکە) و دواخستنی چآرەسەرەکەی دەبێتەهۆی گەورەبوونی فتقەکە یان ئاڵۆزبوونی باری تەندروستیی چارەخوازەکە

زانیاریی زیاتر

بۆ دەستکەوتنی زانیاریی زیاتر لەسەر فتق، دەتوانن سەردانی ئەم لینکەی خوارەوە بکەن:

فتق بەبێ نەشتەرگەری چارەسەردەکرێت؟