پووختەی هەواڵەکە:

• فڕۆکە جەنگییەکانی ئێف-16 حەشارگەیەکی ڕێکخراوی داعشیان لە دۆڵی زغەیتوون خاپوور کرد.

• سەرجەم ئەو چەکدارانەی لە ناو حەشارگەکەدا بوون لە ئەنجامی هێرشە ئاسمانییەکەدا کوژراون.

• ئۆپراسیۆنەکە بە سەرپەرشتی فەرماندەی گشتی هێزە چەکدارەکان و بەپشتبەستن بە زانیاری هەواڵگیری بووە.

• شانەی ڕاگەیاندنی ئەمنی جەخت لە بەردەوامی چالاکییەکان بۆ نەهێشتنی پەناگەی تیرۆریستان دەکاتەوە.

---

شانەی ڕاگەیاندنی ئەمنی عێراق لە ڕاگەیێنراویکدا بڵاویکردووەتەوە کە جووڵەی ژمارەیەک چەکدار لە ناوچەیەکی سەختی کەرکووک لەژێر چاودێری وردی هەواڵگیریدا بووە، تا دواجار فڕۆکە جەنگییەکان لە دوو هێرشی ئاسمانیی ورددا حەشارگەکەیان پێکاوە و چەکدارەکانی ناویمان لەناوبردووە.

---

شانەی ڕاگەیاندنی ئەمنی عێراق:

• ئۆپراسیۆنەکە لە سنووری فەرماندەیی ئۆپراسیۆنەکانی کەرکووک و لە دۆڵی زغەیتوون ئەنجامدراوە.

• دوای چاودێریکردنی جووڵەی چەکدارەکان، شانەی بەئامانجگرتن فەرمانی لێدانی حەشارگەکەی دەرکردووە.

• دوو لێدانی ئاسمانیی سەرکەوتوو لە ڕێگەی فڕۆکەی ئێف-١٦ـەوە بۆ سەر ئامانجەکان ئەنجامدراون.

• هێزە ئەمنییەکان جەخت دەکەنەوە کە هیچ پەناگەیەک بۆ پاشماوەکانی داعش لەسەر خاکی عێراق ناهێڵنەوە.

پێگەی مەیدانیی داعش:

بەپێی ڕاگەیەندراوەکە، داعش هەوڵ دەدات دۆڵ و ناوچە سەختەکانی کەرکووک وەک حەشارگە و خاڵی دەستپێکی جووڵەکانی بەکاربهێنێت، بەڵام چاودێرییە تەکنیکی و ئاسمانییەکان ڕێگرییان لە جێگیربوونیان کردووە و ئەو گروپەی لە دۆڵی زغەیتوون بوون بە تەواوی لەناوبراون.

زانیاریی زیاتر لەسەر ئۆپراسیۆنەکە:

ئەم هێرشە ئاسمانییە لە چوارچێوەی زنجیرە ئۆپراسیۆنە پێشوەختەکان دێت کە هێزە ئاسمانییەکانی عێراق بە هەماهەنگی لەگەڵ دەزگا هەواڵگیرییەکان ئەنجامی دەدەن بۆ پاککردنەوەی ناوچە دابڕاوەکان لە پاشماوەی چەکدارانی داعش.

زانیاری زیاتر بۆ تۆ

بە فڕۆکەی ئێف-16؛ سوپای عێراق حەشارگەیەکی داعشی لە دووبز تەقاندەوە

لەڕێگەی هێزی ئەسمانیی عێراقەوە هەشت حەشارگەی داعش لە کەرکووک لەناوبران