وەزیرى دادى عێراق لیژنەیەکى لێکۆڵینەوەى لەسەر فرۆشگەکانى زیندان پێکهێنا
پووختەی هەواڵەکە:
- کەسوکارى زیندانەکان سکاڵایان لەسەر بەرزبوونەوەى نرخەکان کردبوو
- بە گوتەى کەسوکارى زیندانەکان کیلۆیەک گۆشت بە 100 هەزار دینار دەفرۆشرێت
- بە گوتەى کەسوکارى زیندانەکان دەبەیەک زەیت بە نزیکەى 15 هەزار دینار دەفرۆشرێت
وەک وەڵامدانەوەیەک بۆ سکاڵاى کەسوکارى زیندانەکان لە بەرزبوونەوەى نرخى خۆراک و کەرەستە سەرەکییەکان لە فرۆشگەى زیندانەکان، خالید شوانى، وەزیرى دادى عێراق بڕیارى پێکهێنانى لیژنەیەکى لێکۆڵینەوەی دا.
ڕاگەیێنراوی وەزارەتی دادی عێراق
- پێکهێنانی لیژنەی لێکۆڵینەوە و بەراوردکردنی نرخی کەلوپەلی ناو زیندانەکان لەگەڵ بازاڕ
- لیژنەکە تەنیا 72 کاتژمێری لەبەردەستدایە بۆ لێکۆڵینەوەکان و پێشکەشکردنی ڕاپۆرتی خۆی
- کەسوکاری زیندانییەکان سکاڵایان هەیە لە گرانی خۆراک و کەلوپەلی ناو زیندانەکان
بەگوێرەى ڕاگەیێنراوى وەزارەتەکە، لیژنەکە لێکۆڵینەوە لە نرخى فرۆشگەکانى زیندان و بەراوردکردنیان بە نرخى بازاڕ دەکات و خالید شوانى، تەنیا 72 کاتژمێر مۆڵەتى بە لیژنەکە داوە بۆ تەواوکردن و پێشکەشکردنى ڕاپۆرتەکەیان لەو بارەیەوە.
چاوەڕواندەکرێت ڕێکاری یاسایی و کارگێڕێ بگیرێتە بەر
پێکهێنانى لیژنەکە لەلایەن وەزیرى دادى عێراقەوە دواى گەیشتنى سکاڵاى کەسوکارى بەشێک لە زیندانەکان هات کە ئاماژەیان بە بەرزبوونەوەى نرخى خۆراک و کەرەستە سەرەکییەکان لە فرۆشگەى زیندانەکان کردبوو، چاوەڕوان دەکرێت لەسەر بنەماى ڕاپۆرتى لیژنەکە ڕێکاریى کارگێڕی و یاسایى بگیرێتەبەر.
بەشێک لە کەلوپەلەکانی زیندان بە نرخی خەیاڵی فرۆشراون
پێشتر کەسوکارى بەشێک لە زیندانەکانى شارى بەغداد ناڕەزایەتییان دەربڕى لە دژى گرانى کەرەستە خۆراکییە سەرەکییەکان لە فرۆشگەى زیندانەکان و ئاماژەیان بەوە کرد کە کیلۆیەک گۆشت لە فرۆشگەى زیندانەکان بە 100 هەزار دینار و دەبەیەک زەیت بە نزیکەى 15 هەزار دینار دەفرۆشرێت.
زانیاری زیاتر بۆ تۆ
وەزارەتی دادی عێراق هەوڵی کەمکردنەوەی قەرەباڵغی زیندانەکان دەدات
1 کاتژمێر پێش ئێستا