پارێزگارى سلێمانى: ئاگرەکە لەکاتى بەتاڵکردنى تانکەرى بەنزین بووە
پووختەی هەواڵەکە:
- ئاگر لە بەنزینخانەى ناو پارێزگاى سلێمانى کەوتەوە
- پارێزگارى سلێمانى: لێکۆڵینەوە لە هۆکارى کەوتنەوەى هەردوو ئاگرەکەى سلێمانى دەکرێت
ئێوارەى ئەمڕۆ ئاگر لە بەنزینخانەى ناو باڵەخانەى پارێزگاى سلێمانى کەوتەوە و پارێزگارى سلێمانى دەڵێت" لیژنەى لێکۆڵینەوە لە هۆکارى کەوتنەوەى ئاگرەکە پێکهێنراوە و داواى پێکهێنانى لیژنەیەکى باڵایان کردووە.
لێدوانی پارێزگاری سلێانی لە بارەی ئاگرەکەوە
- ئاگرکەوتنەوە لە وێستگەی سووتەمەنی ناو باڵەخانەی پارێزگای سلێمانی
- لیژنەی لێکۆڵینەوە لەسەر ڕووداوەکە پێکهێنراوە و داوای لیژنەیەکی باڵاش کراوە
- پشکنین بۆ بەنزینەکە و سەرچاوەی بەنزینەکەش دەکرێت
هەڤاڵ ئەبوبەکر، پارێزگارى سلێمانى ڕایگەیاند، ئاگرکەوتنەوەکەى وێستگەى سووتەمەنى لە باڵەخانەى پارێزگاى سلێمانى لەکاتى بەتاڵکردنى تانکەرێکى بەنزین بووە کە 20هەزار لیتر لە سووتەمەنى بەبێ گرفت بەتاڵکردووە و دواتر ئاگرەکە کەوتووەتەوە.
گوتیشى، لیژنەیەکى لێکۆڵینەوە لەسەر ئاستى دامودەزگا پەیوەندیدارەکانى سلێمانى پێکهێنراوە، بەڵام داواى لیژنەیەکى دیکەى باڵایان کردووە، بۆئەوەى پشکنین بۆ بەنزینەکە و سەرچاوەى بەنزینەکەش بکرێت.
هاوکات، شاهۆ عوسمان جێگرى پارێزگارى سلێمانى لەبارەى ڕووداوەکەوە دەڵێت، کارمەندەکانى بەنزینخانەکە و شۆفێرى تانکەرەکە بەتەواوى سەلامەتن و تەنیا ئەو بەنزینە ئاگرى گرتووە کە لەناو تانکەرەکە ماوە.
ئاگرەکە تەنها زیانی ماددیی هەبووە
ئارام عەلى، گوتەبێژى بەرگریى شارستانى سلێمانى لەبارەى ئاگرەکەوە بە کەناڵ8ـى ڕاگەیاند، لێکۆڵینەوەیان لە ڕووداوەکانى ئاگرکەوتنەوە دەستیپێکردووە و ڕووداوەکە تەنیا زیانى ماددیی هەبووە و هیچ زیانێکى گیانى نەبووە.
گوتەبێژى بەرگریى شارستانى سلێمانییش گوتیشى، لەڕووداوەکەدا ئەو تانکەرەى سووتەمەنییەکەى گواستووەتەوە، بەتەواوى سووتاوە.
لەناو باڵەخانەى پارێزگاى سلێمانى وێستگەیەکى دابینکردنى سووتەمەنى بۆ ئۆتۆمبێلەکانى پارێزگا هەیە و لەکاتى بەتاڵکردنەوەى تانکەرى بەنزین ئاگرەکە کەوتووەتەوە.
زانیاری زیاتر بۆ تۆ
دڵنیایی دەدرێتە شۆفێران؛ ئاگرەکەی تانجەرۆ کۆنتڕۆڵ کرا و نابێتە هۆی گرانبوونی نرخی بەنزین
2 کاتژمێر پێش ئێستا