پۆلیسى ڕاپەڕین هۆشدارى بە دایک و باوکان دەدات
پووختەی هەواڵەکە:
- زۆربوونی ڕێژەی تاوانە ئەلکترۆنییەکان هۆشدارییەک بۆ دایکان و باوکان
- پۆلیسى ڕاپەڕین: تاوانە ئەلیکترۆنییەکان زۆر بووە و پێویستە دایک و باوکى مێردمنداڵ و نەوجەوانان ئاگاداربن
- پۆلیسى ڕاپەڕین: تۆمەتبارێکمان دەستگیرکردووە کچێکى خوار 18ساڵى فریوداوە
بەڕێوەبەرایەتى پۆلیسى ڕاپەڕین هۆشدارى بە دایک و باوکان دەدات، ئاگادارى مێردمنداڵ و نەوجەوانەکان بن و دەڵێت" کەسێکمان دەستگیرکردووە لەڕێگەى مۆبایلەوە کچێکى فریوداوە و تاوانکار و قوربانییەکە هەردووکیان تەمەنیان خوار 18ساڵ بووە".
ڕاگەیێنراوی پۆلیسی ئیدارەی ڕاپەڕین
- فریودانی کچێک لە لایەن گەنجێکی هاوتەمەنی خۆیەوە
- تۆمەتباری کەیسەکە نیشتەجێی پارێزگای هەولێر بووە
- تۆمەتبارەکە دانی بە تاوانەکەیدا ناوە و هەڕەشەی بڵاوکردنەوەی ڤیدیۆی کچەکەی کردووە
بەڕێوەبەرایەتى پۆلیسى ئیدارەى سەربەخۆى ڕاپەڕین ڕایگەیاندووە، 10 ڕۆژ پێش ئێستا کچێکى خوار تەمەن 18ساڵ سەردانی کردوون و سکاڵایان لە کەسێک کردووە کە وێنە و ڤیدیۆى کچەکەى لابووە و هەڕەشەى بڵاوکردنەوەى کردووە، پاش بەدواداچوون دەرکەوتووە کە تۆمەتبارەکە نیشتەجێى پارێزگاى هەولێرە و بە هاوبەشى پۆلیسى نەهێشتنى تاوان لە هەولێر دەستگیرکراوە.
پۆلیسى ڕاپەڕین باسی لەوەشکردووە، " تۆمەتبارەکە تەمەنى 16ساڵە دانى بە تاوانەکەیدا ناوە و هەڕەشەى بڵاوکردنەوەى وێنە و ڤیدیۆى لە کچەکە کردووە، کە پێشتر بۆى ناردووە.
هۆشدارییەک بۆ ئەو دایک و باوکانەی منداڵی 18 ساڵیان هەیە
پۆلیسى ڕاپەڕین لەگەڵ بڵاوکردنەوەى ئەم ڕاگەیێنراوە هۆشداریى دەداتە ئەو دایک و باوکانەى منداڵى 18 ساڵیان هەیە، ئاگادارى منداڵەکانیان بن، چونکە لەوتەمەنەدا بە ئاسانى فریودەدرێن و دواتر ڕووداوى نەخوازراوى لێدەکەوێتەوە.
زانیاری زیاتر بۆ تۆ
ئەنجوومەنی دادوەری ئامارى هاوسەرگیرى و جیابوونەوەى لە هەرێمى کوردستان بڵاوکردەوە
3 کاتژمێر پێش ئێستا