پلەکانی گەرما لە هەرێمی کوردستان بەرز دەبنەوە
کەناڵ8 2 کاتژمێر پێش ئێستا
پووختەی هەواڵەکە:
- پلەکانی گەرما لە 48 کاتژمێری داهاتوودا بە بڕی 1 بۆ 2 پلە بەرز دەبنەوە.
- ئاسمانی سەرجەم ناوچەکانی هەرێمی کوردستان بە گشتی ساماڵ دەبێت.
- بەرزترین پلەی گەرما لە گەرمیان بە 42 پلە و نزمترین لە حاجی ئۆمەران بە 31 پلە تۆمار دەکرێت.
زانیارییەک گەیشتووە بە کەناڵ8 ئاشکرای دەکەن کە لە ماوەی 48 کاتژمێری داهاتوودا پلەکانی گەرما بەراورد بە ڕۆژانی ڕابردوو کەمێک بەرز دەبنەوە و ئاراستەی با بەرەو باکووری خۆرئاوا دەبێت، هاوکات مەودای بینین لە زۆربەی ناوچەکان لە نێوان 8 بۆ 10 کیلۆمەتردا جێگیر دەبێت.
کەشی پێشبینیکراوی ڕۆژی پێنجشەممە 20-08-2026:
- ئاسمان بە گشتی ساماڵ دەبێت و پلەکانی گەرما 1 بۆ 2 پلە بەرز دەبنەوە.
- خێرایی با لە نێوان 10 بۆ 20 کم/ک دەبێت و ئاراستەکەی باکووری خۆرئاوا دەبێت.
- پلەکانی گەرما لە شارەکان بەم شێوەیە دەبێت: هەولێر 38، سلێمانی 38، دهۆک 39، چەمچەماڵ 40، هەڵەبجە 41 و گەرمیان 42 پلەی سیلیزی.
کەشی پێشبینیکراوی ڕۆژی هەینی 21-08-2026:
- ئاسمان بە ساماڵی دەمێنێتەوە و پلەکانی گەرما کەمێک زیاتر بەرز دەبنەوە.
- خێرایی و ئاراستەی با وەک ڕۆژی پێشوو جێگیر دەبێت.
- بەرزترین پلەکانی گەرما لە شارەکان بەم شێوەیە دەبن: هەولێر 40، پیرمام 36، سلێمانی 38، زاخۆ 41، حاجی ئۆمەران 32 و گەرمیان وەک بەرزترین پلە بە 42 پلەی سیلیزی دەمێنێتەوە.
زانیاری زیاتر بۆ تۆ
کەناڵ8
2 کاتژمێر پێش ئێستا