چەند زانیارییەک لەسەر هەوکردنی پەنکریاس

• پەنکریاس ڕژێنێکە دەکەوێتە پشتی گەدە، بەرپرسە لە دەردانی ئەنزیمەکانی هەرسبوون و هۆرمۆنی ئینسۆلین
• ئاستی هەوکردنی پەنکریاس (لە  قۆناغی نەبوونی نیشانەوە تاوەکو چاودێریی چڕ) لە کەسێکەوە  بۆ کەسێکی دیکە زۆر جیاوازە
• هەندێکجار هەوکردنی پەنکریاس بێ نیشانەیە: لە حاڵەتە سووکەکاندا ڕەنگە چارەخوازەکە هیچ نیشانەیەکی ئەوتۆی نەبێت یان تەنیا وەک دڵتێکچوونێکی ئاسایی هەستی پێبکرێت
• هەندێکجار هەوکردنی پەنکریاس زۆر توندە: ڕەنگە بچێتە ئاستێک کە زیان بە ئەندامەکانی دیکەی جەستە (وەک سییەکان و گورچیلە) بگەیەنێت و چارەخوازەکە بخاتە بەشی چاودێریی چڕ

نیشانە سەرەتاییەکانی هەوکردنی پەنکریاس

• ئازاری توندی بەشی سەرەوەی سک ( ئازارەکە دەچێتەوە بۆ پشت، یەکێکە لەو نیشانانەی نابێت پشتگوێ بخرێت)
• خراپتربوونی ئازارەکە دوای نانخواردن
• هێڵنجدان و ڕشانەوە
• تا

هۆکارە باوەکانی هەوکردنی پەنکریاس

• بەردی زراو: بەربەست لە بۆری زراودا دروست دەکات و ڕێگە لە دەردانی ئەنزیمەکانی پەنکریاس دەگرێت
• خواردنەوە کحولییەکان
• بەرزبوونەوەی ئاستی چەورییەکانی خوێن بەتایبەت چەوریی سیانی
• بۆماوەیی
• بەکارهێنانی هەندێک جۆری دەرمان

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

هۆکار و چارەسەرەکانی هەوکردنی پەنکریاس چین؟