لە کاتی کارکردن لە پڕۆژەیەکی نیشتەجێبوون لە سلێمانى کەسێک گیانی لەدەستدا و چوار کەسیش برینداربوون

پووختەی هەواڵەکە:

لە ڕووداوەکەدا ئەندازیارێک گیانی لەدەستداوە و چوار کرێکاریش برینداربوون.

ڕووداوەکە لە پڕۆژەیەکی نیشتەجێبووندا بووە و حەفرێک بەسەر کرێکارەکاندا داڕماوە

یەکێک لە بریندارەکان لە نەخۆشخانە ماوەتەوە و لەژێر چاودێری پزیشکیدایە.

لە کاتی کارکردن لە پڕۆژەیەکی نیشتەجێبوون کەسێک گیانی لەدەستدا و چوار کەسی دیکەش برینداربوون.

لێدوانی ڕاگەیاندنی تەندروستی سلێمانی لەسەر ڕووداوەکە

سامان لەتیف، بەرپرسی ڕاگەیاندنی تەندروستیی سلێمانی بە کەناڵ8ـی ڕاگەیاند، لە یەکێک لە پڕۆژەکانی نیشتەجێبوون لە کاتی کارکردن ئەندازیارێک گیانی لەدەستداوە و چوار کرێکاریش برینداربوون.

لە کاتی چیمەنتۆ کردنەوە حەفرێک داڕوخاوە

پەیامنێری کەناڵ8 لە سلێمانی ڕایگەیاند، لە پڕۆژەیەکی نیشتەجێبوون حەفرێک هەبووە کە چیمەنتۆ کراوە، داڕووخاوە و کەوتووە بەسەر ئەو پێنج کەسەدا و بەهۆیەوە ئەندازیارێک بە ناوی محەممەد ئەحمەد تەمەن 31 ساڵان کە خەڵکی شارۆچکەی دەربەندیخانە گیانی لەدەستداوە و چوار کرێکارەکەی دیکەش بریندارن.

یەکێک لە بریندارەکان لە نەخۆشخانە ماوەتەوە

پەیامنێری کەناڵ8 گوتیشی، بریندارەکان بەمەبەستی وەرگرتنی چارەسەری پێویست، ڕەوانەی نەخۆشخانەی شار کراون و سیانیان برینەکانیان سووک بووە و نەخۆشخانەیان بەجێهێشتووە، بەڵام یەکێک لە بریندارەکان ماوەتەوە و لە ژێر چاودیری پزیشکیدایە.

زانیاری زیاتر بۆ تۆ

بریندارێکی ڕووداوی ئاگرکەوتنەوەکەی کۆگای سووتەمەنییەکەی تانجەرۆ گیانی لەدەستدا

مووچەى خانەنشینى کرێکارانى کەرتى تایبەت کرایە 500 هەزار دینار

سەندیکاکانی کرێکاران بەهۆی شەپۆلى گەرماوە چەند ڕێنماییەکی بۆ سەلامەتیی کرێکاران بڵاوکردەوە