د. شۆخ وەهاب، پسپۆڕی نەشتەرگەریی چاو دەڵێت '' ئەگەر پێکهاتەی پاککەرەوەی قاپ، کلۆر یان پێکهاتەیەکی کیمیایی چووە ناو چاوەوە، ئەم هەنگاوانە جێبەجێ بکرێن''

• چاو نەخورێنرێت، هەرچەندە کەسەکە هەست بە کزانەوە و ئازارێکی توند دەکات، بەڵام خوران و سڕینی چاو دەبێتەهۆی پێکهاتە کیمیاییەکە زیاتر بچێتە ناو شانەکانی چاو و گلێنەی چاوەکە بڕوشێنێت
• شوشتنی دەستبەجێی چاو بە ئاو (گرنگترین هەنگاو): بۆ ماوەی 15 بۆ 20 خولەک بە بەردەوامی چاو بە ئاوێکی سارد بشۆرێت، سەر بەلای چاوە بریندارەکەدا لاربکرێتەوە و بە هێواشی ئاو ئاڕاستەی ناو چاو بکرێت، هەوڵبدرێت لە کاتی شوشتنەکەدا چاو کراوە بێت بۆ ئەوەی پێکهاتە بە تەواوی بێتەدەرەوە

فریاگوزاریی سەرەتایی چاو بۆ ئەو کەسانەی هاوێنەی دەستکردنی چاو بەکاردەهێنن

• هاوێنەی دەستکرد لاببرێت: ئەگەر کەسەکە هاوێنەی دەستکردنی لەچاودا بێت، لە کاتی ششتنەکەدا ئەگەر توانرا لاببرێت، چونکە پێکهاتە کیمیاییەکە لە ژێر لێنزی هاوێنە دەستکردەکەدا کۆدەبێتەوە و زیانەکە زیاتر دەکات
• هەنگاوی کۆتایی :تەنانەت ئەگەر دوای ششتنەکە کەسەکە هەستی بەباشبوونیش کرد، پێویستە دەستبەجێ سەردانی پزیشکی پسپۆڕی چاو یان بەشی فریاگوزاری بکات، پزیشک پشکنینی ورد بۆ چاوی کەسەکە دەکات و دڵنیا دەبێتەوە کە گلێنەی چاوی کەسەکە تووشی سووتانی کیمیایی بووە یان نا

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

شەش رێگە بۆ پاراستنی تەندروستیی چاو