د. جوانیتا سەڵاح، پزیشکی پسپۆری نەخۆشیەکانی ژنان و منداڵبوون، سەبارەت بە پەیوەندیی نێوان چەوریی سەر هێلکەدان و دووگیاننەبوون، دەڵێت:

• چەوریی سەر هێلکەدان هۆکارێکە بۆ دووگیاننەبوون
• چەوری سەر هێلکەدان پێی دەوترێت کیسی دیرمۆید، بە شێوەیەکی گشتی گرێیەکی هێلکەدانی ناشێرپەنجەییە کە دەتوانێت شانە جۆراوجۆرەکانی وەک قژ، پێست و ددان لەخۆبگرێت
• لە کاتێکدا کیسی چەوریی سەرهێلکەدان بەگشتی شێرپەنجەیی نییە، بەڵام هەندێک جار دەتوانێت کاریگەریی لەسەر منداڵبوون هەبێت، ئەمەش بەپێی قەبارە، شوێن و تەندروستیی هێلکەدانەکان

کاریگەریی چەوریی سەر هێلکەدان لەسەر منداڵبوون

• کارکردنی هێلکەدان: ئەگەر کیسی چەوریی سەر هێلکەدانەکە گەورە بوو، دەبێتەهۆی تێکدانی فرمانە ئاساییەکانی هێلکەدان
• کیسی چەوریی هێلکەدان دەبێتەهۆی تێکدانی ڕۆیشتنی خوێن و زیانگەیاندن بە تەندروستیی هێلکەدان
• لابردن بە نەشتەرگەری: ئەگەر کیسی چەوریی سەر هێلکەدان  پێویستی بە لابردن بوو بە نەشتەرگەری، ئەوا ڕێکارەکە کاریگەریی لەسەر شانەکانی هێلکەدان هەیە، ئەگەری هەیە کاریگەریی لەسەر دووگیانبوون هەبێت، بە تایبەت ئەگەر کیسەکە گەورە بێت یان کاری لە هەردوو هێلکەدانەکە کردبێت
• ناهاوسەنگیی ئاستی هۆڕمۆنەکان: لە حاڵەتە دەگمەنەکاندا کیسی چەوریی گەورەی سەر هێلکەدان دەبێتەهۆی ناهاوسەنگیی ئاستی هۆرمۆنەکان، ئەمەش ڕەنگە ڕێگری لە دروستبوونی هێلکە و سوەڕی مانگانە بکات
• زۆرێک لەو خانمانەی کە چەوریی سەر هێلکەدانیان هەیە دەتوانن بەبێ کێشە دووگیان بن

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

شێرپەنجەی هێلکەدان و نیشانە سەرەتاییەکانی