مووشەکێک لە سۆران کەوتەخوارەوە
جەبار حسین 16 خولەک پێش ئێستا
پووختەی هەواڵەکە:
- مووشەکێک لە چیای بەربەس لە سنووری ئیدارەی سۆران کەوتەخوارەوە و بووە هۆی کەوتنەوەی ئاگر.
- تیمەکانی بەرگری شارستانی بە هاوکاری هاونیشتمانییان توانییان ئاگرەکە کۆنترۆڵ بکەن.
- پاشماوەی مووشەکەکە لەلایەن هێزە ئەمنییەکانەوە بۆ لێکۆڵینەوە گواستراوەتەوە و زیانی گیانی نەبووە.
- ڕووداوەکە بووەتە هۆی سووتانی زیاتر لە 5 دۆنم پوش و پاوان و دارستانی سروشتی ناوچەکە.
زانیارییەک گەیشتووە بە کەناڵ8 کە ئاشکرای دەکات کاتژمێر 11:35 خولەکی شەوی ڕابردوو، دەنگێکی بەهێز گەڕەکەکانی زۆزک، ئازادی و بەرخۆدانی سۆرانی هەژاندووە. دەرکەوتووە دەنگەکە بەهۆی کەوتنەخوارەوەی مووشەکێک بووە لە چیای بەربەس کە بووەتە هۆی کەوتنەوەی ئاگرێکی گەورە لە دارستان و پووش و پاوانی ناوچەکە.
بەرگری شارستانی و زیانەکان:
- ڕەوەند هاودیانی، گوتەبێژی بەرگری شارستانی سۆران ڕایگەیاندووە کە تیمەکانیان توانیویانە ئاگرەکە کۆنترۆڵ بکەن.
- زیاتر لە 5 دۆنم لە دارستانی سروشتی و پوش و پاوانی سنوورەکە بەهۆی ڕووداوەکەوە سووتاون.
- هێزە ئەمنییەکان گەیشتوونەتە شوێنەکە و پاشماوەی مووشەکەکەیان بۆ لێکۆڵینەوە لەگەڵ خۆیان بردووە.
- تاوەکو ئێستا شوێنی ئاراستەکردنی مووشەکەکە و لایەنی بەرپرسیار لە ڕووداوەکە دەستنیشان نەکراون.
پاشخان و ڕووداوە هاوشێوەکان:
ئەم هێرشە لە کاتێکدایە کە پێشتر لە 24ـی ئازاری 2026 هێرشێکی مووشەکی بارەگایەکی پێشمەرگەی لە چیای بەنی هەریر کردە ئامانج. لەو ڕووداوەدا یەکێک لە مووشەکەکان ڕاستەوخۆ بەر خاڵێکی سەربازی کەوت و بەهۆیەوە 6 پێشمەرگە شەهید بوون و چەند کەسێکی دیکەش بریندار بوون.
زانیاری زیاتر بۆ تۆ
جەبار حسین
16 خولەک پێش ئێستا