د. ئەژین هاشم، پزیشکی پسپۆڕی نەشتەرگەریی، باوترین کێشە تەندروستییەکانی پەنکریاس دەخاتەڕوو، لەوانە:

• ​ هەوکردنی پەنکریاس: دەکرێت بە شێوەی کاتی یان درێژخایەن ڕووبدات، زۆرجار هۆکارەکەی بەردی زراو یان خواردنەوەی کحولە و نیشانەکەی ئازاری توندی بەشی سەرەوەی سکە کە دەچێتەوە بۆ پشتی چارەرخوازەکە
• ​ شەکرە: کاتێک پەنکریاس نەتوانێت بە بڕی پێویست هۆڕمۆنی ئینسۆلین بەرهەم بهێنێت (جۆری یەکی شەکرە) یان جەستەی مرۆڤ ناتوانێت بە دروستی هۆڕمۆنی ئینسۆلێن بەکاربهێنێت (جۆری دووی نەخۆشیی شەکرە)، نەخۆشی شەکرە دروست دەبێت
• ​ شێرپەنجەی پەنکریاس : یەکێکە لە جۆرە مەترسیدارەکانی شێرپەنجە کە زۆرجار لە قۆناغە سەرەتاییەکانیدا نیشانەی ئەوتۆی نییە

باوترین هۆکارەکانی تووشبوون بە شێرپەنجەی پەنکریاس بریتین لە:

• جگەرەکێشان
• نەخۆشیی شەکرەی جۆری دوو
• هەوکردنی درێژخایەنی پەنکریاس
• بۆماوەیی
• قەڵەوی
• هەڵکشانی تەمەن
• خواردنەوە کحولییەکان

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

هۆکارەکانی هەوکردنی پەنکریاس چین؟