ڕاگەیاندنی تەندروستیی سلێمانی، سەبارەت بە ئەنجامدانی نەشتەرگەرییەکی گۆڕینی جومگەی شان لە نەخۆشخانەی شار، دەڵێت:

• تیمێكی پزیشكی نەخۆشخانەی شاری فریاكەوتنی فێركاری توانیان بەسەركەوتوویی نەشتەرگەریی گۆڕینی تەواوی جومگەی شانی ڕاست بۆ چارەخوازێک ئەنجام بدەن
• چارەخوازەکە ماوەیەكی زۆر بوو دەیناڵاند بە دەست ئازاری توندی جومگەی شانی بەهۆی داخورانی جومگەكە
• چارەخوازەکە نەیدەتوانی كاروباری ڕۆژانەی ڕاپەڕێنێت، بە ئارامی پشوو بدات و بنوێت

وردەکاریی ئەنجامدانی نەشتەرگەرییەکە

• نەشتەرگەریی گۆڕینی جومگەی شانەکە بەسەرپەرشتی د.عەبدوڵڵا كەمال، پزیشكی پسپۆڕی نەشتەرگەری ئێسك و شكاوی، بە هاوكاری ستافی پزیشكی و كارمەندانی نەخۆشخانەی شار ئەنجام دراوە
• دۆخی تەندروستیی چارەخوازەکە زۆر باشە و ڕەوانەی ماڵەوە كراوەتەوە
• بۆ یەكەمجارە نەشتەرگەریی  گۆڕینی جومگەی شان بەتەواویی لە نەخۆشخانەیەكی حكومیی پارێزگای سلێمانی ئەنجام بدرێت، لەلایەن پزیشكانی ناوخۆیی بەبێ سەرپەرشتی پزیشكانی بیانی
• نەشتەرگەریی گۆڕینی جومگەی شان بەراورد بە گۆڕینی جومگەی ئەژنۆ و جومگەی حەوز، نەشتەرگەریەكی نوێیە لە جیهان و بەمدواییانە برەوی پێدراوە

زانیاریی زیاتر 

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

دەرچوونی شان چۆن چارەسەر بکرێت؟