پووختەی هەواڵەکە:

• لیژنەی ئامادەکاری فێستیڤاڵی هەنار، سەرجەم باخەوانان، پیشەوەران و خاوەن بەرهەمە خۆماڵییەکان ئاگادار دەکاتەوە.

• دەرفەتى ناونووسین بۆ بەشدارى لە تیروپشکى وەرگرتنى یەکەکاندا دەستیپێکردووە.

---

بە گوێرەی زانیارییەکان کە بە کەناڵ8 گەیشتووە، لە هەڵەبجە ئامادەکارییەکان بۆ ئەنجامدانى 12ـەیەمین فێستیڤاڵی هەنار و پایز دەستیپێکردووە و چەند مەرج و ڕێنمایەک بۆ بەشداربووان دەخرێتەڕوو.

---

ڕاگەیێنراوی لیژنەى باڵاى ئامادەکاریى فێستیڤاڵی هەنار و پایزی هەڵەبجە

• ناونووسین بۆ بەشداریى لە فێستیڤاڵەکە لە ڕۆژى6 تاوەکو 9ـى ئەیلول بەردەوام دەبێت.

• شوێنى ناونووسینەکەش بەگوێرەى جۆرى بەشداریى جیاوازە.

• خاوەن بەرهەمە کشتوکاڵییەکان لە بەڕێوەبەرایەتیى کشتوکاڵى هەڵەبجە ناو دەنووسن.

• بەشداربووانى خواردنى خۆماڵى لە پارک و شارى یاریى هەڵەبجە ناو دەنووسن

• ڕۆژانە لە کاتژمێر 9:30 خولەکى بەیانى تاوەکو 12:30 خولەکى پاشنیوەڕۆ، مامەڵەی ناننووسین بەردەوام دەبێت.

لیژنەى باڵاى ئامادەکاریى فێستیڤاڵی هەنار و پایزی هەڵەبجە لە ڕاگەیێنراوێکدا سەرجەم باخەوانان، پیشەوەران و خاوەن بەرهەمە خۆماڵییەکان ئاگادار دەکاتەوە، دەرفەتى ناونووسین بۆ بەشدارى لە تیروپشکى وەرگرتنى یەکەکاندا دەستیپێکردووە.

ئاماژەى بەوەشکردووە، ناونووسین بۆ بەشداریى لە فێستیڤاڵەکە لە ڕۆژى6 تاوەکو 9ـى ئەیلول بەردەوام دەبێت و شوێنى ناونووسینەکەش بەگوێرەى جۆرى بەشداریى جیاوازە.

 شوێنی تۆمارکردنی ناوی بەشداربوان

بەگوێرەى لیژنەى باڵاى ئامادەکارییەکان، خاوەن بەرهەمە کشتوکاڵییەکان لە بەڕێوەبەرایەتیى کشتوکاڵى هەڵەبجە ناو دەنووسن، بەشداربووانى خواردنى خۆماڵى لە پارک و شارى یاریى هەڵەبجە ناو دەنووسن، هەروەها بەشداربووانى کارى دەستى لە بەڕێوەبەرایەتیى گەشتوگوزارى هەڵەبجە ناو دەنووسن، ڕۆژانە لە کاتژمێر 9:30 خولەکى بەیانى تاوەکو 12:30 خولەکى پاشنیوەڕۆ، مامەڵەی ناننووسین بەردەوام دەبێت.

مەرج و ڕێنماییەکان بۆ بەشداریکردن

بەگوێرەى مەرج و ڕێنماییەکان، بەشداربوو پێویستى بە هەردوو کارتى نیشتمانى و زانیاریى هەیە، لەگەڵ بڕى 75 هەزار دینار بۆ کارى دەستى، 100 هەزار دینار بۆ بەرهەمى کشتوکاڵى و 150 هەزار دینار بۆ خواردنەکان هەروەها، واژۆکردنى گرێبەستێک کە ڕێنمایى و مەرجەکانى تێدابێت.

ساڵی ڕابردوو 11ـەیەمین فێستیڤاڵی هەنار و پایزی هەڵەبجە لە 30ـی تشرینی یەکەمی 2025 دەستپێکرد و سێ ڕۆژ بەردەوامبوو، لەو ماوەیەدا زیاتر لە 270 هەزار کەس سەردانى فێستیڤاڵەکەیان کرد، بۆ ئەمساڵیش پێشبینی دەکرێت ڕێژەکە بۆ زیاتر لە300 هەزار کەس بەرزبێتەوە.

زانیاری زیاتر بۆ تۆ

بێگەرد تاڵەبانی: پێشنیازمان کردووە فێستیڤاڵی هەنار لە بەسرە و خورما لە هەرێمی کوردستان بکرێت

11 یەمین فێستیڤاڵی هەنار و پایزی هەڵەبجە