جیاوازیی نێوان گرێکانی ڕژێنی دەرەقی(پەریزاد)
سەروەر سالار 2 کاتژمێر پێش ئێستا
د. محەممەد سەیدعەلی، پزیشکی پسپۆڕی نەشتەرگەری، سەبارەت بە گرێکانی ڕژێنی دەرەقی، دەڵێت:
- گرێی ناشێرپەنجەیی : زیاتر لە %90ـی گرێکانی ڕژێنی دەرەقی ناشێرپەنجەین، هیچ مەترسییەکی شێرپەنجەییان نییە، زۆربەیان تەنیا بە چاودێریی پزیشکی یان دەرمان کۆنتڕۆڵ دەکرێن و لە هەندێک حاڵەتی کەمدا پێویستیان بە ئەنجامدانی نەشتەرگەری هەیە
- گرێی شێرپەنجەییەکان:کەمتر لە %10ـی گرێکانی ڕژێنی دەرەقی شێرپەنجەیین، ئەم جۆرە گرێیانە پێویستیان بە بەدواداچوونی وردتر و چارەسەری تایبەتتری وەک ئەنجامدانی نەشتەرگەری هەیە
هەنگاوە دروستەکانی دەستنیشانکردنی گرێکانی ڕژێنی دەرەقی چین؟
- سەردانی پزیشکی پسپۆڕ: پزیشک لە ڕێگەی دەستلێدانەوە قەبارە، ڕەقی و شوێنی گرێکە لەسەر مل هەڵدەسەنگێنێت
- پشکنینی سۆنەر: دوای پشکنینی دەستی، پزیشکی پسپۆڕ پشکنینی سۆنەر دەکات بۆ بینینی وردەکارییەکانی ناوەوەی شانەکان و جیاکردنەوەی جۆری گرێکە
پزیشکی پسپۆڕ لە ئەم حاڵەتانەدا بڕیاری لابردنی گرێکە دەدات:
- کاتێک پشتڕاست کرابێتەوە کە گرێکە شێرپەنجەیییە
- گەورەبوونی قەبارەی گرێکە: کاتێک ئەوەندە گەورە بێت کە فشار بخاتە سەر بۆری هەناسە یان سوورێنچک (هەناسەتووندی یان ئەستەمبوونی قوتدان) دروست بکات
- کاتێک گرێکە دەبێتەهۆی چالاکبوونی زۆری ڕژێنی دەرەقی و بە دەرمان چارەسەر نەکرێت
- لایەنی جوانکاری: کاتێک شێوەی دەرەوەی مل ناڕێک دەکات
زانیاریی زیاتر
بۆ وەرگرتنی زانیاریی زیاتر دەتوانن سەردانی ئەم لینکەی خوارەوە بکەن
سەروەر سالار
2 کاتژمێر پێش ئێستا