سڕبوونی پەنجەکانی دەست بە هۆی کۆنیشانەی تونێلی مەچەکەوە!

د. کرمانج محەممەد، پزیشکی پسپۆڕی جومگە و ڕۆماتیزم، سەبارەت بە هۆکارەکانی سڕبوونی پەنجەکانی دەست، دەڵێت:

کۆنیشانی تونێلی مەچەک حاڵەتێکی باوە کاتێک ڕوودەدات کە دەمارێکی دەست وەک:دەماری ناوەڕاست لە مەچەکدا فشاری دەچێتە سەر، بە تایبەتی لە ڕێڕەوێکی تەسکدا کە پێی دەوترێت: تونێلی دەست، دەبێتەهۆی سڕبوونی پەنجەکان
جوڵەی دووبارەبووەوەی دەست یان مەچەک (بۆ نموونە تایپکردن)
هەوکردنی جومگەی مەچەک
ئاوسانی جەستە بەتایبەت لە کاتی دووگیانیدا
برینداربوون یان شکاوی لە ئاستی مەچەکدا
هەندێک حاڵەتی تەندروستی وەک: شەکرە، بوونی کێشە لە ڕژێنی دەرەقیدا، قەڵەوی و هەوکردنی جومگەی ڕۆماتیزم

سڕبوون و مێلوورەکردنی پەنجەکان
بێهێزبوونی دەست لە کاتی کارکردندا
ئازاری مەچەک و قۆڵ، هەندێکجار ئازارەکە شانیش دەگرێتەوە
زۆرجار نیشانەکانی سڕبوونی پەنجەکانی دەست شەوان خراپتر دەبن یان دوای بەکارهێنانی دەست بۆ ماوەیەکی زۆر

بەکارهێنانی دەرمانی دژەهەوکردن لە ژێر چاودێریی پزیشكی پسپۆڕدا
بەستنی مەچەک بە بەستەری تایبەت، بەتایبەتی لە شەواندا
چارەسەری سروشتی و ئەنجامدانی ڕاهێنانی کشان و بەهێزکردنی مەچەک
پشوودان لە ئەرکە دووبارەبووەکان
چارەسەرکردنی ‌هۆکاری حاڵەتەکە وەک شەکرە، هەوکردنی جومگەی ڕۆماتیزم یان کێشەی ڕژێنی دەرەقی
بژاردەی نەشتەرگەری بۆ حاڵەتە قورسەکان

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن