ڕێنماییەکان تایبەتن بە ڕاهێنانەوەی تووشبووانی جەڵتەی مێشک

• ڕاهێنانەوەی چارەخواز پێویستە لە 48 کاتژمێری پاش تووشبوون بە جەڵتەی مێشک دەستپێبکات، بە مەرجێک تەندروستیی جێگیر بێت
• گرنگە دەستبەجێ دەست بە چەند جوڵەیەکی وەکو هەڵستانە سەر پێ، دانیشتن و بەپێ ڕۆیشتن بکرێت
• جەڵتەی مێشک تەنیا گرفت بۆ جوڵە دروست ناکات، بەڵکو گرفتی قسەکردن، یادگە، سەرنج، بیرکردنەوە و دەروونییش دروستدەکات
• هەربۆیە پێویستە لە ڕێگەی کۆمەڵێک پسپۆڕی جیاوازەوە کەسەکە ڕابهێنرێتەوە
• واتە پێویستی بە ڕاهێنەری جوڵە، قسەکردن و پسپۆڕی دەروونی و کۆمەڵێک پسپۆڕی دیکە هەیە
• یەک لە سێ تووشبووی جەڵتەی مێشک تووشی خەمۆکی دەبن، یەک لە چوار کەسیشیان تووشی دڵەڕاوکێ دەبن
• ئەم کەسانە پێویستە چارەسەری دەروونیش وەربگرن، بەمەش باشتر دەتوانن لەسەر ڕاهێنانەکانیان بەردەوام بن
• گرنگە گرفتی خەو و ئازارەکانی چارەخوازەکە چارەسەر بکرێن و لەو لایەنانەشەوە گرنگییان پێبدرێت
• گرنگە خانەوادەی تووشبووەکان زانیارییان پێبدرێت و ڕاهێنانیان پێبکرێت، بۆئەوەی بزانن چۆن ڕاهێنان بە چارەخوازەکەیان دەکەن
• چاکبوونەوە لە کەسێکەوە بۆ کەسێکی دیکە جیاوازە، دەکرێت کەسێک لە پاش چەند مانگێکی کەم لە ڕاهێنان سوودێکی زۆر ببینێت، و هەندێکی دیکە لەوانەیە چەندین ساڵ پێویستیان پێبێت

بۆ زانیاریی زیاتر سەبارەت بە جەڵتەی مێشک، ئەم بابەتە بخوێنەرەوە:

https://channel8.com/kurdish/news/14296