د. عیماد سەدرەدین، پزیشکی پسپۆڕی نەشتەرگەری، سەبارەت بە خۆپاراستن لە تووشبوون بە فتق، دەڵێت:

• لاوازیی دیواری سک هۆکاری سەرەکییە بۆ دروستبوونی فتق
• هەرچەندە ناتوانرێت بۆ هەمیشە ڕێگری لە تووشبوون بە فتق بکرێت، بەڵام کۆمەڵێک هەنگاو و ڕێنمایی گرنگ هەن کە یارمەتیدەرن بۆ کەمکردنەوەی فشاری ناو سک و پاراستنی دیواری سک
• خواردنی خۆراکی دەوڵەمەند بە پێکهاتەی ڕیشاڵی، وەک سەوزە و میوەکان بخورێن بۆ ڕێگریکردن لە قەبزی، چونکە فشارکردن لە کاتی قەبزیدا ئەگەری دروستبوونی فتق زۆر زیاتر دەکات
• ئەنجامدانی وەرزش و چالاکیی جەستەیی، وەک ڕاکردن و پاسکیلسواری، کە یارمەتیدەرن بۆ هێشتنەوەی جەستە بە چالاکی و بەهێزکردنی ماسولکەکان
• پاراستنی کێشی تەندروست و دوورکەوتنەوە لە قەڵەوی: ئەو کەسانەی قەڵەون، بەردەوام دیواری سکیان لەژێر فشارێکی زۆردایە بەهۆی چەوریی زیادەی جەستەیانەوە
• دوورکەوتنەوە لە هەڵگرتنی قورسایی زۆر: ئەگەر کەسەکە ناچار بوو شتێکی قورس هەڵبگریت، دەبێت دڵنیا بێت  لەوەی بە شێوازێکی دروست تەنەکە بەرز دەکاتەوە (فشار بخرێتە سەر قاچەکان نەک پشت و سک)
• وازهێنان لە جگەرەکێشان: جگەرەکێشان دەبێتەهۆی دروستبوونی کۆکەی درێژخایەن، کۆکەی بەردەوامیش فشارێکی زۆری لەناکاو دەخاتە سەر دیواری سک و مەترسیی دروستنبوونی فتق زیاد دەکات

نیشانەکانی فتقی دیواری سک

• پیساینەکردن
• ھەڵاوسانی سک
• ڕشانەوە
• تا
• بوونی ئازاری توند

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

فتقی ناوک چییە و چۆن چارەسەر دەکرێت؟