د. ڕەوا عومەر، پسپۆڕی نەشتەرگەریی گورچیلە و میزەڕۆ، سەبارەت بە باوترین نیشانەکانی کیسی گورچیلە، دەڵێت:  

• زۆرجار کیسی گورچیلە هیچ نیشانەیەک دروست ناكات و بە ڕێکەوت لە کاتی ئەنجامدانی پشکنینی سۆنەر یان سیتی سکان دەستنیشان دەکرێت
• ئەگەر کیسەکە گەورە بوو، فشاری خستە سەر ئەندامەکانی دیکەی دەوروبەری، یان تووشی هەوکردن و خوێنرەبوون بوو، چەند نیشانەیەک دروست دەکات
• هەستکردن بە ئازارێکی توند لە بەشی خوارەوەی پشت، نێوان پەراسووەکان و حەوز یەکێکە لە نیشانەکانی کیسی گورچیلە
• بوونی خوێن لە میزدا: دەرکەوتنی ڕەنگی میز بە سوورێکی کاڵ یان قاوەیی نیشانەیە بۆ تەقینی کیسی گورچیلە یان بوونی کێشە لە گورچیلەکاندا
• هەوکردن و تا: ئەگەر کیسیەکە تووشی هەوکردن یان بەکتریا ببێت، دەبێتەهۆی بەرزبوونەوەی پلەی گەرمیی جەستە، تا و لەرز
• لە حاڵەتە زۆر توندەکاندا ڕەنگە کەسەکە هەست بە گرێیەک یان ئاوسانێک بکات لە ناوچەی سک یان لاتەنیشتەکانیدا
• هەستکردن بە زووتێربوون لە خواردن
• زۆر میزکردن یان هەستکردن بە بوونی فشار لەسەر میزڵدان: ئەگەر کیسیەکە گەورە بێت و پاڵ بە ناوچەکانی دەوروبەرییەوە بنێت
• بەرزەفشاری خوێن: لە هەندێک حاڵەتدا، کیسی گەورەی گورچیلە دەکرێت کاریگەریی هەبێت لەسەر بەرزبوونەوەی فشاری خوێن

نیشانەکانی سستبوونی گورچیلەکان

• ماندوویی
• دڵتێکهەڵاتن
• ڕشانەوە
• کەمیی سەرنج
• ئاوسانی دەست
• وشکیی پێست و خورانی پێست

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

توێژینەوەیەک: ڕێژەی تووشبوون بە کەمخوێنی بەهۆی نەخۆشییەکانی گورچیلەوە لە جیهاندا زیادی کردووە