پووختەی هەواڵەکە:

• تەنیا 3 رۆژ ماوە بۆ سوودمەندبوون لە بڕیاری لێخۆشبوون لە قەرزی کۆنی کارەبا و وادەکە بەهیچ شێوەیەک درێژناکرێتەوە.

• تاوەکو ئێستا زیاتر لە 575 هەزار هاوبەش لە بڕیارەکە سوودمەندبوون و 75٪ـیان لەڕێگەی ئی-پسوولەوە قەرزەکانیان داوەتەوە.

• ئەنجوومەنی وەزیران بڕیار لەسەر چارەنووسی ئەو قەرزانە دەدات کە دوای تەواوبوونی وادەکە لای هاووڵاتییان دەمێننەوە.

• پسوولەی مانگانەی پرۆژەی رووناکی داشکاندن ناگرێتەوە و ئەگەر لە ماوەی 50 رۆژدا نەدرێت کارەباکە دەپچڕێت.

---

حکومەت دوا مۆڵەت دەداتە قەرزدارانی کارەبا و تەنیا 3 رۆژیان لەبەردەمدایە بۆ سوودمەندبوون لە داشکاندنی قەرزی کۆن، بەپێچەوانەوە وادەکە کۆتایی دێت و ئەنجوومەنی وەزیران رێکاری نوێ بەرامبەر ئەو کەسانە دەگرێتەبەر کە قەرزەکانیان ناگێڕنەوە.

---

رێکار و هۆشدارییەکانی حکومەت:

وەزارەتی کارەبا جەخت دەکاتەوە ئەم دەرفەتە کۆتاییە و رۆژی پێنجشەممە 10ـی مانگ بە یەکجاری دادەخرێت.

بۆ کارئاسانی هاووڵاتییان، کاتی دەوامی هۆبەکانی فرۆشتنی وزە درێژکراوەتەوە و رۆژانە لە کاتژمێر 08:30ـی بەیانی تاوەکو 04:00ـی ئێوارە کراوە دەبن.

سیستەمی پرۆژەی رووناکی بەشێوەیەکی خۆکار کارەبای ئەو هاوبەشانە دەپچڕێنێت کە لە کاتی دیاریکراودا پارەی پسوولەی نوێ نادەن.

بەدەمەوەچوونی هاووڵاتییان:

هاووڵاتییان ڕێژەیەکی زۆری قەرزەکانیان داوەتەوە ، بە جۆرێک تاوەکو ئێستا زیاتر لە 575 هەزار هاوبەش قەرزەکانیان داوەتەوە کە زۆرینەیان هاوبەشی ماڵانن، هەروەها 75٪ـی ئەو هاوبەشانە بۆ خێرا راپەڕاندنی کارەکانیان لە رێگەی خزمەتگوزاریی "ئی-پسوولە"وە مامەڵەکانیان کردووە.

زانیاریی لەسەر بابەتەکە:

بڕیاری لێخۆشبوون و داشکاندنەکە تەنیا ئەو قەرزە کۆنانە دەگرێتەوە کە پێش جێبەجێکردنی پرۆژەی رووناکی لەسەر هاوبەشان کەڵەکەبوون. دوای تەواوبوونی مۆڵەتەکە لە 10ـی مانگ، ئەنجوومەنی وەزیران لایەنە پەیوەندیدارەکان رادەسپێرێت بۆ یەکلاییکردنەوەی چارەنووسی ئەو قەرزانەی نەگەڕێندراونەتەوە، هاوکات پرۆژە نوێیەکە سیستەمێکی سزادانی توندی هەیە بۆ ئەو کەسانەی پابەندی کاتی دانەوەی پسوولەی مانگانە نابن کارەباکانیان دەبڕدرێ لە لایەن بەڕێوەبەرایەتییەکانەوە.

زانیاری زیاتر بۆ تۆ

لە مانگی شەشدا نیوەی هاونیشتمانییان لە پرۆژەی ڕووناکی کەمتر لە 34 هەزار دیناریان بۆ گەڕاوەتەوە