پووختەی هەواڵەکە:

• کۆبوونەوەی لیژنەی باڵای ئامادەکردنی ڕەشنووسی بودجەی 2027ـی عێراق بۆ هەفتەی داهاتوو دواخرا.
• بڕیارە تاوەکو 15ـی ئەیلوول نووسینەوەی پڕۆژەیاساکە تەواو بکرێت و بنێردرێتە ئەنجوومەنی وەزیران.
• وەزارەتی دارایی عێراق شەفافییەتی داتاکان بە مەرجی سەرەکیی داڕشتنی بودجە دادەنێت.
• ڕۆژی 10ـی تشرینی یەکەم پڕۆژەیاسای بودجە بۆ پەسەندکردنی کۆتایی ڕەوانەی پەرلەمان دەکرێت.

---

کۆبوونەوەی لیژنەی باڵای داڕشتنی ڕەشنووسی بودجەی 2027ـی عێراق بۆ سەرەتای هەفتەی داهاتوو دواخراوە، سەرەڕای ئەوەی وادەیەکی کەم لەبەردەم لیژنەکەدا ماوە بۆ تەواوکردنی دەقەکە. حکومەتی عێراق کاردەکات تاوەکو 15ـی ئەیلوول نووسینەوەی بودجە کۆتایی پێبهێنێت و ئاراستەی ئەنجوومەنی وەزیرانی بکات، بە مەبەستی ناردنی بۆ پەرلەمان پێش کۆتاییهاتنی وادە یاساییەکان.

---

لیژنەی باڵای ئامادەکردنی ڕەشنووسی بودجە

• ئەندامێکی لیژنەکە ڕایگەیاند سەرەڕای ئەوەی بڕیاربوو کۆبوونەوەکە بەڕێوەبچێت، بەڵام بڕیاری دواخستنی دراوە بۆ سەرەتای هەفتەی داهاتوو.
• لیژنەکە پابەندە بەوەی تاوەکو 15ـی ئەیلوول کارەکانی نووسینەوەی پڕۆژەیاساکە تەواو بکات و بیخاتە بەردەم ئەنجوومەنی وەزیران بۆ دەنگدان لەسەری.
• پڕۆسەی نووسینەوەی ڕەشنووسی بودجەی 2027 بە فەرمی لە 27ـی ئابی 2026ـەوە لە بەغداد دەستیپێکردووە.

وەزارەتی دارایی و ڕێکارەکانی ناردن بۆ پەرلەمان

وەزارەتی دارایی عێراق شەفافییەتی داتا داراییەکان و وردبینی لە داهاتەکانی وەک مەرجی سەرەکی بۆ داڕشتنی بودجەیەکی دروست دیاریکردووە؛ بەپێی خشتەی کاتیی کارەکان، پاش ئەوەی دەقەکە لە ئەنجوومەنی وەزیران دەنگی لەسەر دەدرێت، لە 10ـی تشرینی یەکەمی ئەمساڵدا ڕەوانەی ئەنجوومەنی نوێنەران دەکرێت بۆ ئەوەی خوێندنەوە و پەسەندکردنی کۆتایی بۆ ئەنجام بدرێت.

زانیاری زیاتر بۆ تۆ

شاندی دارایی هەرێمی کوردستان: داوامانکردووە پشکی 14% لە بودجەی 2027 جێگیر بکرێت

فالح ساری: لە وادەی خۆیدا پڕۆژەیاسای بودجە ڕەوانەی ئەنجوومەنی وەزیران دەکەین

فالح ساری: بەهەماهەنگیی بانکی نێودەوڵەتی پڕۆژەیاسای بودجە ئامادە دەکرێت