سەربڕینی شەڕڤانێکی کورد لە سەرێکانى کاردانەوەی لێکەوتووەتەوە
پووختەى هەواڵەکە
- هۆزێکی عەرەبی دێرەزوور، شەڕڤانێکی پێشووی هەسەدەیان لە سەرێکانى سەربڕی و ڤیدیۆکەشیان بڵاوکردەوە.
- سەربڕینی شەڕڤانێکی کورد لە سەرێکانى کاردانەوەی لێکەوتووەتەوە.
- ئاسایشی ناوخۆی حەسەکە: سیپان ڕفێنراوە.
- ئاسایشی ناوخۆی حەسەکە: سیپان بە تەقەی ڕاستەوخۆ لە نزیکەوە کوژراوە.
هۆزی بەگارە لە دێرەزوور، شەڕڤانێکی کوردی پێشووی هەسەدەیان لە گوندەوارى سەرێکانى سەربڕی کە ئێستا سەربازی لیوای حەسەکەی سوپای سووریای عەرەبییە.
کاردانەوەکان و بڵاوکردنەوەى ساتى کوشتنى شەڕڤانەکە
- دوای بڵاوکردنەوەی ڤیدیۆی سەربڕینی گەنجە کوردەکە ناڕەزایەتی لە ڕۆژئاوای کوردستان دروست بوو.
- هاونیشتمانییان لە عامودا و قامیشلۆ و حەسەکەى ڕۆژئاواى کوردستان خۆپیشاندانیان کرد.
- بە گوێرەی زانیارییەکانی کەناڵ8، شەڕڤانەکە نازناوی سیپانە و ناوی سامی شێخمووس حەسووە، پێشتر شەڕڤانی هەسەدە بووە.
- لە پڕۆسەی یەکخستنەوەی هێزەکانی هەسەدە و سوپای سووریادا بەشداربووە، ئێستا ئەندامی وەزارەتی بەرگریی سووریایە.
- ئەو هۆزە عەرەبەی دێرەزوور کە سیپانیان سەربڕیوە، ناوی بەگارەیە، بە گوێرەی ئەو تۆمارە ڤیدیۆییەی بڵاوبووەتەوە، کەسێک قسەدەکات و دەڵێت، ئەوە سزای هەموو یەکێکتانە.
- بەرەبەیانی ئەمڕۆ تەرمی شەڕڤانەکە، گەیێنرایەوە حەسەکە و بڕیارە هەر لەوێ بەخاک بسپێردرێت.
- هاوکات ئاژانسی هاوارنیوز بڵاویکردەوە، شەڕڤانەکە لەلایەن گرووپێکی چەکدارەوە بۆ گوندی عەدلانە لە گوندەوارەکانی سەرێکانی ڕفێنراوە و کوژراوە
- کەسوکار و خێزانی شەڕڤانەکە دانیشتووی گەڕەکی موفتین لە شاری حەسەکە.
هەڵوێستى لایەنە پەیوەندیدارە
لە لایەکی دیکەوە فەرماندەیی ئاسایشی ناوخۆ لە پارێزگای حەسەکە ڕایگەیاندووە، بە پشتبەستن بە زانیاری و تۆمارە ڤیدیۆییەکان، تیمەکانی ئۆپراسیۆنە تایبەتەکانی بەرێوەبەرایەتی ئاسایشی ناوخۆ لە سەرێکانی دەستبەجێ ڕوویان لە شوێنەکە کردووە، بەمەبەستی بەدواداچوون بۆ دۆسیەکە و ئەنجامدانی لێکۆڵینەوەی پێویست.
ئاسایشی ناخۆی حەسەکە دەشڵێت: "تەرمی سامی لە نزیک گوندی حیلۆ دۆزراوەتەوە و ئەوەش دەستنیشانکراوە کە لە نزیکەوە دەستڕێژی گوللـەی لێکراوە و هەر لە شوێنی ڕووداوەکە گیانی لەدەستداوە".
فەرماندەیی ئاسایشی ناوخۆ لە پارێزگای حەسەکە ئاماژەی بەوەشکردووە، بە پشتبەستن بە بەڵگە کۆکراوەکان و ئەنجامی لێکۆڵینەوە سەرەتاییەکان، هێزە ئەمنییەکان توانیویانە ناسنامەی تۆمەتباری تاوانە دەستنیشان بکەن، کە ناوی (م.ع. ە)
زانیارى زیاتر بۆ تۆ
2 کاتژمێر پێش ئێستا