برایەکی سیپان حەسۆ: بکوژانى براکەم بە سزاى یاسایی خۆیان بگەن
ئارام یوسف 2 کاتژمێر پێش ئێستا
پووختەى هەواڵەکە
- برایەکی سیپان حەسۆ: بکوژانى براکەم بە سزاى یاسایی خۆیان بگەن.
- برایەکی سیپان حەسۆ: هەڕەشەکان نایانترسێنێت.
- سیپان حەسۆ، ئەو شەڕڤانەی پێشووی هەسەدە کە لەلایەن ژمارەیەک هاوڵاتیی عەرەبەوە لە سەرێکانى کوژرا.
ئەو برایەی شەڕڤانەکەی پێشووی هەسەدە دەڵێت، بەناوی خۆی و برا شەهیدەکانی و سەرجەم شەهیدانی خێزان و عەشیرەتەکەیانەوە، داوا لە ئیدارەی ڕۆژئاوای کوردستان دەکات، بە بەرپرسیارێتی خۆیان هەستن و داوای بەسزاگەیاندنی بکوژانی براکەی بکەن و ئەوانەی لەو کوشتنی براکەیان تێوەگلاون بدرێنە دادگا.
کوژرانى سیپان حەسۆ
- برایەکی سیپان حەسۆ: براکەیان بەشێوەیەکی دڕندانە و وەحشیگەرانە کوژراوە.
- ئەو ڕووداوە تاوانێکە لەبیرناکرێت و ناکرێت بەبێ لێپرسینەوە تێپەڕێت.
- بە مافی خێزانەکەی دەزانێت، ڕاستیی ڕووداوەکە بزانن و دادپەروەری بەدیبێت.
- جەختلەوە دەکاتەوە، هەڕەشەکان نایانترسێنێت و ساردیان ناکاتەوە لە داواکردنی ئازادی، شکۆ و ئاشتی، دەشڵێت، خوێنی شەهیدەکانیان ئەمانەتە لە ئەستۆیان.
- ئەو برایەی سیپان حەسۆ، داوا لە لایەنە پەیوەندیدارەکانی ڕۆژئاوا و سووریا دەکات، ڕاستییەکانی ئەو ڕووداوە ئاشکرا بکەن و بکەران و ئەوانەی لە پشتیانەوە بوون، بە گوێرەى یاسا سزا بدەن.
ڕۆژی 10ـی ئەم مانگە، سیپان حەسۆ لە شارى حەسەکە لەلایەن چەند کەسێکەوە ڕفێنرا و دواتر بەشێوەیەکی دڕندانە لە شارۆچکەی سەرێکانی کوژرا و سەرى لە لاشەى جیاکرایەوە.
زانیارى زیاتر بۆ تۆ
سەربڕینی شەڕڤانێکی کورد لە سەرێکانى کاردانەوەی لێکەوتووەتەوە
ئارام یوسف
2 کاتژمێر پێش ئێستا