د. هاوار نەقشبەندی، پزیشکی پسپۆڕی نەخۆشییەکانی مەمک و ڕژێنی دەرەقی، سەبارەت بە هەستکردن بە بوونی گرێ لە گەروودا، دەڵێت:

• هەستکردن بە هەبوونی گرێ یان توندبوون لە گەروودا دیاردەیەکی تەندروستیی زۆر باوە
• زۆرجار چارەخواز تووشی دڵەڕاوکێ دەبێت بەهۆی هەستکردن بە بوونی گرێ لە گەروویدا و وا دەزانێت گرێیەکی مەترسیدار لە گەروویدا هەیە
• دەکرێت کەسێک گرێی نەبێت لە گەروویدا و واهەست بکات گرێ لە گەروویدا هەیە

هۆکارە سەرەکییەکانی هەستکردن بە بوونی گرێ لە گەروودا چین؟

• دڵەڕاوکێ و فشاری دەروونی: لە کاتی بوونی فشاری دەروونیدا، ماسولکەکانی گەروو گرژ دەبن و ئاستەنگیی بۆ گەرووی کەسەکە دروست دەکەن
• گەڕانەوەی ترشەڵۆکی گەدە: چوونە سەرەوەی ترشی گەدە بۆ ناو گەروو دەبێتەهۆی سووتانەوە و هەوکردنی ناوپۆشی گەروو، لە ئەم کاتەدا کەسەکە واهەست دەکات گرێ لە گەروویدا هەیە  

لە چ کاتێکدا پێویستە سەردانی پزیشکی پسپۆڕ بکرێت؟

• ئەگەر کەسەکە لە کاتی هەستکردن بە بوونی گرێ لە گەروویدا  ئازاری توندی لە کاتی قوتدانی خواردن و دابەزینی کێشی جەستەی هەبوو، پێویستە بەپەلە پشکنینی ناوبینیی قورگی لەلایەن پزیشکی پسپۆڕەوە بۆ ئەنجام بدرێت

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

ناوبینیی قوڕگ و لووت و گوێ کەی و بۆ کێ دەکرێت؟