د. ڕەوا عومەر، پزیشکی پسپۆڕی نەشتەرگەریی گورچیلە و میزەڕۆ، سەبارەت بە هەوکردنی ڕێڕەوی میز، دەڵێت:

• هەوکردنی ڕێڕەوی میز لە خانماندا یەکێکە لە کێشە تەندروستییە باوەکان
• هەوکردنی ڕێڕەوی میز زیاتر بەهۆی چوونەژوورەوەی بەکتریاوە بۆ ناو ڕێڕەوی میز ڕوودەدات
• بەهۆی کورتیی ڕێڕەوی میزەوە، خانمان ئەگەری تووشبوونیان بە هەوکردنی ڕێڕەوی میز زیاترە بە بەراورد بە پیاوان

نیشانە باوەکانی هەوکردنی ڕێڕەوی میز لە خانماندا

• سووتانەوە یان بوونی ئازار لە کاتی میزکردندا
• هەستکردن بە پێویستیی بەپەلە و بەردەوام بۆ میزکردن
• لێڵبوونی ڕەنگی میز یان بوونی بۆنی ناخۆشی میز
• هەستکردن بە ئازار لە بەشی خوارەوەی ورگ یان حەوز
• لە کەسانی بەساڵاچوودا ڕەنگە نیشانەکان وەک سەرلێشێوان یان گۆڕانی ڕەفتار دەربکەون

ڕێنماییە خۆپارێزییەکان بۆ خۆپاراستن لە تووشبوون بە هەوکردنی ڕێڕەوی میز

• خواردنەوەی ئاوی پێویست: هەموو ڕۆژێک لانی کەم دوو بۆ سێ  لیتر ئاو بخورێنەوە بۆ شوشتنەوەی بەکتریان لە ڕێڕەوی میزدا
• میزکردن لە دوای سەرجێیکردن: بۆ دەرکردنی ئەو بەکتریایانەی کە ڕەنگە چووبێتنە ناو ڕێڕەوی میز
• ڕاگرتنی پاکی و خاوێنیی ئەندامی زاوزێ
• چوونە توالێت دوانەخرێت
• دوورکەوتنەوە لە بەکارهێنانی بەرهەمی کیمیایی: وەک بەکارنەهێنانی سابوونی بۆندار و گیراوەی کیمیایی بەهێز بۆ پاککردنەوەی ناوچەی حەوز

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

بۆچی زووزوو تووشی هەوکردنی ڕێڕەوی میز دەبیت؟