پووختەی هەواڵەکە:

• وەزارەتى کۆچ: تەنیا 19 هەزار خێزانى ئاوارە لە کەمپەکاندا ماون

• وەزارەتى کۆچ: ئەو کەمپانەى ماون لە هەولێر و دهۆکن

• وەزارەتى کۆچ: زۆرینەى ئاوارەکانى کەمپەکان خەڵکى شنگالن

---

وەزارەتى کۆچ و کۆچبەرانى عێراق ڕایگەیاند، لە کۆى 175 کەمپى ئاوارەکان 157 کەمپیان داخراون و تەنیا 18 کەمپ لە هەردوو پارێزگاى هەولێر و دهۆک ماون، کە 19 هەزار خێزانى ئاوارەیان تێدایە و زۆرینەیان ئاوارەى شنگالن.

---

لێدوانی بریکاری وەزارەتی کۆچ و کۆچبەران دەربارەی کەمپەکان

• عێراق سەرکەوتوو بووە لە داخستنى کەمپەکان و هاندانى ئاوارەکان بۆ گەڕانەوەى ئارەزوومەندانە.

• ئەگەر گەڕانەوەى ئاوارەکان بۆ ناوچەکانیان سەخت بێت بەهۆى ئاوەداننەکردنەوەى ناوچەکانیان، بەڵام ژیان لە کەمپەکاندا سەختترە.

• حکومەت کاردەکات بۆ چارەسەرکردنی ئاڵنگارییەکان و هاندانی ئاوارەکان بۆ گەڕانەوە بۆ شوێنەکانی خۆیان.

• حکومەت کاردەکات بۆ دەستبەرکردنى پێداویستییەکانى گەڕاندنەوەى ئارام و پارێزراو و بەردەوام.

کەریم نوورى، بریکارى وەزارەتى کۆچ و کۆچبەرانى عێراق لە لێدوانێکدا ئاماژەى بەوەکردووە، عێراق سەرکەوتوو بووە لە داخستنى کەمپەکان و هاندانى ئاوارەکان بۆ گەڕانەوەى ئارەزوومەندانە، لەگەڵ ئەوەشدا ئاڵنگارییان هەیە و کار بۆ چارەسەرکردنیان دەکەن، ئەگەر گەڕانەوەى ئاوارەکان بۆ ناوچەکانیان سەخت بێت بەهۆى ئاوەداننەکردنەوەى ناوچەکانیان، بەڵام ژیان لە کەمپەکاندا سەختترە.

دەستبەرکردنی پێداویستییەکانی گەڕانەوە

جەختیشیکردەوە، حکومەت کاردەکات بۆ دەستبەرکردنى پێداویستییەکانى گەڕاندنەوەى ئارام و پارێزراو و بەردەوام.

ئاماری وەزارەتی کۆچ و کۆچبەران بۆ ژمارەی ئاوارەکان

بەگوێرەى ئامارەکانى وەزارەتى کۆچ، لە دواى ساڵى 2014، پێنج ملیۆن ئاوارە و 175 کەمپ لە عێراقدا هەبوون، تاوەکو ئێستا 157 کەمپیان داخراون و تەنیا 18کەمپ لە هەولێر و دهۆک ماون کە 18 هەزار خێزانیان تێدایە و زۆرینەیان ئاوارەى شنگالن.

زانیاری زیاتر بۆ تۆ

کەریم نووری: بەمنزیکانە کەمپی هۆل بەیەکجاری دادەخرێت

بافڵ جەلال تاڵەبانی: ئاوەدانکردنەوەی شنگال لە ئاست زامی ئێزدییەکان نییە