لە بازاڕی دارەسووتاوەکەی سلێمانی ئاگر لە باڵەخانەیەک کەوتەوە
پووختەی هەواڵەکە:
- ئاگرەکە لە نهۆمی سەرەوەی باڵەخانەکە کەوتەوە و هۆکارەکەی دیار نییە.
- لەبەر بەهێزی ئاگرەکە دانیشتوانی باڵەخانە دەستبەجێ شوێنەکەیان چۆڵکردووە.
لە بازاڕی دارەسووتاوەکەی سلێمانی ئاگر لە باڵەخانەیەک کەوتەوە، بەڵام هیچ زیانێکى گیانیى لێنەکەوتەوە.
ئاگرەکە لە بەشى سەرەوەى باڵەخانەیەکى سێ نهۆمى کەوتووەتەوە و تاوەکو ئێستا هۆکارى کەوتنەوەى ئاگرەکە دیار نییە.
بەگوتە شایەتحاڵانى ڕووداوەکە، ئاگرەکە زۆر بەهێز بووە و دانیشتووانى باڵەخانەکە بەخێرایى شوێنەکەیان بەجێهێشتووە.
گەیشتنی تیمەکانی بەرگری شارستانی بۆ کۆنترۆڵکردنی ئاگرەکە
- تیمەکانی بەرگری شارستانی بەپەلە گەیشتووەنەتە شوێنەکە و بەخێرایی ئاگرەکەیان کۆنترۆڵکردووە.
- تاوەکو ئێستا زیانەکانى ئاگرەکە دیارى نەکراوە و هۆکارى کەوتنەوەشى نادیارە.
دەشڵێن: دواى ڕووداوەکە تیمەکانى بەرگریى شارستانى گەیشتوونەتە شوێنى ڕووداوەکە و توانیویانە بەخێرایى کۆنترۆڵى بکەن.
تاوەکو ئێستا زیانەکانى ئاگرەکە دیارى نەکراوە و هۆکارى کەوتنەوەشى نادیارە.
ئاگرەکەی ساڵی ڕابردووی دارەستاوەکە
لە بەرەبەیانى 5ـى نیسانى 2025 ئاگر لە بازاڕى دارەسووتاوەکەى سلێمانى کەوتەوە و بەهۆیەوە 129 دووکان و چوار شوێنى فرۆشتنى لەفە لە رووداوى ئاگرکەوتنەوەکەدا سووتان.
دواتریش لیژنەیەکى هونەریی تایبەت، خەمڵاندنى بۆ سەرجەم زەرەر و زیانەکان کرد و قوباد تاڵەبانى، سەرپەرشتیاری سکرتاریەتى مام جەلال قەرەبووەکەى لەئەستۆ گرت.
106 دووکاندار کە خاوەندارێتیى 133 دووکانیان دەکرد، لەگەڵ پێنج شوێنى فرۆشتنى خواردنى خێرا و چایخانە قەرەبووکراونەوە و جارێکی دیکە بازاڕەکە نۆژەنکرایەوە.
زانیاری زیاتر بۆ تۆ
سەرەکیترین هۆکارەکانی ئاگرکەوتنەوە لە هەرێمی کوردستان
قایمقامیەتی سلێمانی کۆمەڵێک ڕێکاری توند بۆ ڕێگری لە ئاگرکەوتنەوە لە گۆیژە و ئەزمەڕ ڕادەگەیێنێت
1 کاتژمێر پێش ئێستا