شاندى دەستەى گەشتوگوزارى هەرێمى کوردستان لە دووبەیە
پووختەی هەواڵەکە:
- شاندەکە بەشدارى لە پێشەنگاى بازاڕى گەشتیاریى عەرەبى دەکات
- لە پێشەنگاکەدا دوو هەزار و 600 کۆمپانیا و دامەزراوەى گەشتیاریى بەشدارن
شاندى دەستەى گەشتوگوزارى هەرێمى کوردستان بەمەبەستى بەشداریکردن لە پێشەنگاى بازاڕى گەشتیاریى عەرەبى لە دووبەیە کە دوو هەزار و 600 کۆمپانیا و دامەزراوەى گەشتیاریى لە 161 وڵاتى جیهانەوە بەشدارن، کە ئامانج لێی ناساندن و بەبازاڕکردن بۆ شوێنە گەشتییارییەکانى هەرێمى کوردستانە.
ئامانجی سەردانی شاندەکەی دەستەی گەشتوگوزاری هەرێمی کوردستان بۆ دوبەی
- بەشداریکردن لە پێشەنگاى بازاڕى گەشتیاریى عەرەبى کە بە ئەى تى ئێم دووبەى ناسراوە.
- لە پێشەنگاکەدا دوو هەزار و 600 کۆمپانیا و دامەزراوەى گەشتیاریى لە 161 وڵاتى جیهانەوە بەشدارن.
- شاندى هەرێمى کوردستان و ژمارەیەک لە کۆمپانیا گەشتیارییەکانى هەرێمى کوردستان بەشدارن لە پێشەنگاکەدا.
- ئامانجى سەرەکى لە بەشداریکردن لە پێشەنگاکە بریتییە لە ناساندن و بەبازاڕکردن بۆ شوێنە گەشتیارییەکان و شوێنەوارەکان.
- دروستکردنی پردى پەیوەندى دروستبکەن لەگەڵ وڵاتانى بەشداربوو و کۆمپانیا و دامەزراوە گەشتیارییەکان.
ئیبراهیم مەجید، گوتەبێژى دەستەى گەشتوگوزارى هەرێمى کوردستان بە کەناڵ8ـى ڕاگەیاند، شاندێکى دەستەى گەشتوگوزارى سەربە وەزارەتى شارەوانى و گەشتوگوزار، سەردانى دووبەی کردووە، بەمەبەستى بەشداریکردن لە پێشەنگاى بازاڕى گەشتیاریى عەرەبى کە بە ئەى تى ئێم دووبەى ناسراوە.
لە پێشەنگاکەدا دوو هەزار و 600 کۆمپانیا و دامەزراوەى گەشتیاریى بەشدارن
ئاماژەى بەوەشکرد، لە پێشەنگاکەدا دوو هەزار و 600 کۆمپانیا و دامەزراوەى گەشتیاریى لە 161 وڵاتى جیهانەوە بەشدارن، هەروەها شاندى هەرێمى کوردستان و ژمارەیەک لە کۆمپانیا گەشتیارییەکانى هەرێمى کوردستان بەشدارن لە پێشەنگاکەدا.
ئامانج لە پێشەنگاکە ناساندن وبە بازاڕکردنی شوێنە گەشتیارییەکان و شوێنەوارەکانە
ڕاشیگەیاند، ئامانجى سەرەکى لە بەشداریکردن لە پێشەنگاکە بریتییە لە ناساندن و بەبازاڕکردن بۆ شوێنە گەشتیارییەکان و شوێنەوارەکان، هاوکات ئامانجیان ئەوەیە، بتوانن پردى پەیوەندى دروستبکەن لەگەڵ وڵاتانى بەشداربوو و کۆمپانیا و دامەزراوە گەشتیارییەکان.
گوتیشى، لە ماوەى دوو ڕۆژى پێشەنگاکەدا چەندین دیدار و کۆبوونەوەیان هەبووە و گرنگى زیاتریش بە وڵاتانى کەنداو دەدەن، هەروەها لەگەڵ وەبەرهێنەران قسەیان کردووە بۆ ئەوەى سەرنجیان ڕابکێشن و بێنە هەرێمى کوردستان لە بوارى گەشتوگوزار وەبەرهێنان بکەن.
زانیاری زیاتر بۆ تۆ
بەنزین و مووچە جوڵەی گەشتیاریی ناوخۆیان لە هەرێمی کوردستان پەکخستووە
دەستەی گەشتوگوزار: پلانی پێشوازیکردن لە گەشتیاران سەرکەوتوو بووە و ئەمساڵ گەشتیاری زیاتر هاتووە
2 کاتژمێر پێش ئێستا