خوشک و برایەک لە ڕەواندز بە تەزووی کارەبا گیانیان لەدەستدا
پووختەی هەواڵەکە:
- ڕووداوەکە لە گوندی بەرزێوەی سنووری شارۆچکەی ڕەواندز بووە.
- ئەو خوشک و برایە چوونەتە ناو ئاوەکەوە و تەزووی کارەبا دزەی کردووەتە ناوی.
بەهۆی تەزووی کارەباوە، لە گوندی بەرزێوەی سنووری شارۆچکەی ڕەواندز، خوشک و برایەک لە ئاوی کونەماسی بە تەزووی کارەبا گیانیان لەدەستدا.
لێدوانی گوتەبێژی بەرگری شارستانی سۆران لەسەر ڕووداوەکە
- لە گوندی بەرزێوە خوشک و برایەک چوونەتە ناو ئاوی کونەماسی، بەڵام بەهۆی تەزووی کارەباوە گیانیان لەدەستداوە.
- غەتاس لەناو ئاوەکەدا بووە، لە وایەری غەتاسەکەوە تەزووی کارەباوە دزەی کردووە و ئەو ڕووداوەی لێکەوتووەتەوە.
- دوای بڕینی کارەبای سنوورەکە، توانیویانە تەرمی ئەو خوشک و برایە لە ئاوەکە دەربهێنن و تەرمەکان ڕەوانەی پزیشکی دادیی کراون.
- بەگوتەی شایەتحاڵەکان، سەرەتا برای کچەکە لە ئاوەکەدا کارەبا گرتوویەتی، خوشکەکەشی هەوڵیداوە ڕزگاری بکات و لە ئەنجامدا هەردووکیان گیانیان لەدەستداوە.
ڕەوەند هاودیانی، گوتەبێژی بەرگریی شارستانیی سۆران بە کەناڵ8ی ڕاگەیاند، ئێوارەی ئەمرۆ پێنجشەممە، لە گوندی بەرزێوە خوشک و برایەک چوونەتە ناو ئاوی کونەماسی، بەڵام بەهۆی تەزووی کارەباوە گیانیان لەدەستداوە.
غەتاس لەناو ئاوەکەدا بووە
گوتیشی، بەگوێرەى زانیارییە سەرەتاییەکان، غەتاس لەناو ئاوەکەدا بووە، لە وایەری غەتاسەکەوە تەزووی کارەباوە دزەی کردووە و ئەو ڕووداوەی لێکەوتووەتەوە.
دوای بڕینی کارەبای سنوورەکە توانراوە تەرمەکان دەربهێنرێن
ڕەوەند هاودیان باسیلەوەشکرد، دوای بڕینی کارەبای سنوورەکە، توانیویانە تەرمی ئەو خوشک و برایە لە ئاوەکە دەربهێنن و تەرمەکان ڕەوانەی پزیشکی دادیی کراون.
پەیامنێری کەناڵ8 لە سۆران ڕایگەیاند، بەگوتەی شایەتحاڵەکان، سەرەتا برای کچەکە لە ئاوەکەدا کارەبا گرتوویەتی، خوشکەکەشی هەوڵیداوە ڕزگاری بکات و لە ئەنجامدا هەردووکیان گیانیان لەدەستداوە.
زانیاری زیاتر بۆ تۆ
ئەمساڵ 57 هاونیشتمانی خنکاون و سەرپێچیکردنیش هۆکاری سەرەکیی خنکانەکانە
59 خولەک پێش ئێستا