پووختەی هەواڵەکە:

• هێڵی ئاسمانیی تورکش ئێرلاین لە 25ـی تشرینی یەکەمەوە گەشتەکانی بۆ فڕۆکەخانەی نێودەوڵەتیی جەلال تاڵەبانی دەستپێدەکاتەوە.

• لە قۆناغی یەکەمدا هەفتانە 4 گەشتی ڕاستەوخۆ لەنێوان ئیستانبوڵ و سلێمانی ئەنجام دەدرێن.

• لە 14ـی کانوونی یەکەمی 2026ـەوە گەشتەکانی هێڵە نیشتمانییەکەی تورکیا دەبنە ڕۆژانە.

• گەشتە ئاسمانییەکان پێشتر بەهۆی پەرەسەندنی جەنگی ئەمریکا و ئێران لە کایەی ئاسمانیی ناوچەکەدا ڕاگیرابوون.

---

زانیارییەک گەیشتووە بە کەناڵ8 کە بڕیاری دەستپێکردنەوەی گەشتەکانی تورکش ئێرلاین بۆ سلێمانی دراوە، کۆتایی بە ڕاگرتنی گەشتە فەرمییەکانی نێوان تورکیا و فڕۆکەخانەکە دەهێنێت و بڕیاریشە لە 14 /12/ 2026 سەرجەم گەشتەکان گەشتەکان بەشێوەی ڕۆژانە ئەنجام بدرێن و هەروەها ناردنی خشتەی نوێی گەشتەکان بۆ فڕۆکەخانەی نێودەوڵەتیی جەلال تاڵەبانی لە کاتێکدایە کە جووڵەی گەشتیاری و بازرگانی لە ناوچەکەدا دەستیپێکردووەتەوە. هاوکات پەرەپێدانی گەشتەکان بۆ ئاستی ڕۆژانە ڕەهەندێکی بازرگانی و سیاسیی گرنگ بۆ ئاساییکردنەوەی پەیوەندییەکان پێکدەهێنێت.

---

خشتەی گەشتەکانی تورکش ئێرلاین بەپێی ڕاگەیاندنی فڕۆکەخانەی سلێمانی:

• دەستپێکردنەوەی فەرمیی فڕین لە 25ـی تشرینی یەکەمەوە بەپێی ئەو خشتەیەی ئاڕاستەی فڕۆکەخانەی نێودەوڵەتیی جەلال تاڵەبانی کراوە.

• ڕێکخستنی 4 گەشتی هەفتانە لەسەر هێڵی (ئیستانبوڵ-سلێمانی-ئیستانبوڵ) وەک قۆناغی سەرەتایی.

• گۆڕینی خشتەی فڕینەکان بۆ گەشتی ڕۆژانە لە 14ـی کانوونی یەکەمی 2026ـەوە بە جۆرێک سەرجەم ڕۆژانی هەفتە دەگرێتەوە.

ڕەهەندی گەشتە ئاسمانییەکان و هێڵە بەدیلەکان:

دەستپێکردنەوەی گەشتەکانی تورکش ئێرلاین وەک هێڵی فەرمیی تورکیا گرنگییەکی ستراتیژیی هەیە، دوای ئەوەی بەهۆی جەنگی ئەمریکا و ئێران و داخرانی کایەی ئاسمانیی عێراق گەشتەکانی ڕاگرتبوو. پێش ئەم بڕیارەش، گەشتەکان لە ڕێگەی 2 گەشتی هێڵی ئاسمانیی عێراقی و 4 گەشتی هەفتانەی هەردوو کۆمپانیای پیگاسۆس و ئەی جێت لەنێوان فڕۆکەخانەی نێودەوڵەتیی جەلال تاڵەبانی و شارەکانی تورکیادا ئەنجام دەدران.

زانیاریی زیاتر بۆ تۆ:

ناوی فڕۆکەخانەی نێودەوڵەتیی سلێمانی گۆڕدرا بۆ فڕۆکەخانەی نێودەوڵەتیی جەلال تاڵەبانى

فڕۆکەخانەی نێودەوڵەتیی جەلال تاڵەبانی: گەشتەکانى هێڵی ئاسمانی شاهانەی ئوردنی دەستپێدەکاتەوە

هێڵی ئاسمانی "ئەی جێت" گەشتەکانی بۆ سلێمانی دەستپێدەکاتەوە