د. شەنگ عەلی، پزیشکی پسپۆڕی تیشک و سۆنار، سەبارەت بە ئەنجامدانی پشکنینی سۆنەر دوای نەشتەرگەریی منداڵبوون، دەڵێت:

• بەگشتی پشکنینی سۆنەر دوای منداڵبوون بۆ هەڵسەنگاندنی تەندروستیی خانمەکەیە لەدوای منداڵبوون و گەڕانەوەی قەبارەی منداڵدان بۆ هەمان قەبارەی بەر لە دووگیانبوون
• پاش نەشتەرگەریی منداڵبوون گرنگە خانمەکە پشکنینی سۆنەر ئەنجامبدات بۆ هەڵسەنگاندنی یەکگرتنەوەی برینەکە لەناوەوە و دیاری کردنی ئاڵۆزییەک کە ڕوویدابێت دوای نەشتەرگەرییەکە

ئاڵۆزییەکانی دوای نەشتەرگەریی منداڵبوون کە دەکرێت لە ڕێگەی پشکنینی سۆنەرەوە دەستنیشان بکرێت

• کۆبوونەوەی خوێن لە جەستەی خانمەکە
• یەکنەگرتنەوەی تەواوەتیی شوێن برینەکە لەسەر منداڵدان
• ئەگەر شلەی زیاد و نائاسایی لە بۆشایی حەوزدا هەبێت، دەکرێت ئاماژە بێت بۆ هەوکردن
• ئەگەر خوێنبەربوون لەناوەوەی جەستەی خانمەکە بوونی هەبێت

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

د.نەسرین شەریف: پشکنینی سۆنەر هیچ زیانێک بە تەندروستیی دایک و کۆرپەکەی ناگەیەنێت!