پووختەی هەواڵەکە:

• پەروەردەی سلێمانی داوا لە سەرجەم خوێندنگەکان دەکات فشار بۆ پۆشینی جلوبەرگی دیاریکراو نەکەن.

• وادەی دەرفەتدان بە خوێندکاران بۆ دابینکردنی جلوبەرگ تاوەکو 10ـی تشرینی یەکەمی 2026 درێژکرایەوە.

• بڕیارەکە بە ئامانجی ڕێگریکردنە لە دروستبوونی هەڵاوسانی نرخ لە بازاڕ و زیانمەندبوونی خێزانەکان.

• بەهۆی گۆڕینی ڕەنگی جلوبەرگی ئەمساڵ و زۆریی خواست، نرخی پۆشاک لە بازاڕەکاندا بۆ دوو هێندە بەرزبووەتەوە.

---

بەڕێوەبەرایەتیی گشتیی پەروەردەی سلێمانی لە ڕێگەی گشتاندنێکی فەرمییەوە ناوەندەکانی خوێندنی لە مەرجی یەکپۆشی ئاگادارکردووەتەوە؛ لە بڕیارەکەدا دەرفەت دراوەتە خێزانەکان تاوەکو مانگی داهاتوو پۆشاکە نوێیەکان دابین بکەن، ئەمەش دوای ئەوەی گۆڕینی ڕەنگی جلوبەرگ لە بازاڕەکاندا قەیرانی کەمبوونەوە و گرانبوونی نرخی دروستکرد.

---

بەڕێوەبەرایەتیی گشتیی پەروەردەی سلێمانی:

• داوا لە سەرجەم قوتابخانەکان کراوە هیچ فشارێک لە خوێندکاران نەکەن بۆ پۆشینی جلوبەرگی دیاریکراو.

• دوا مۆڵەت بۆ دابینکردنی جلوبەرگی خوێندکاران تاوەکو ڕێکەوتی 10ـی تشرینی یەکەمی 2026 درێژکراوەتەوە.

• مەبەست لە بڕیارەکە ئەوەیە کەسوکاری خوێندکاران کاتی پێویستیان بۆ کڕینی پۆشاکەکان لەبەردەستدا بێت.

• ئامانج لە ڕێکارەکە بەرگرتنە لە بەرزبوونەوەی ناڕەوای نرخەکان لە بازاڕ و پاراستنی باری دارایی خێزانەکان.

دۆخی بازاڕ و هۆکاری بەرزبوونەوەی نرخەکان:

وەزارەتی پەروەردە بۆ ئەمساڵی خوێندن گۆڕانکاری لە ڕەنگی جلوبەرگی فەرمیی خوێندکاراندا کرد، ئەمەش وایکرد بەهۆی زۆریی خواستەوە پۆشاکە نوێیەکان لە بازاڕدا کەم ببنەوە. بەپێی بەدواداچوونێکی کەناڵ8 لە ماوەی ڕابردوودا، ئەو کەمبوونەوەیە وایکردبوو نرخی بەشێک لە جلوبەرگی خوێندکاران بۆ نزیکەی 2 هێندە لە بازاڕەکاندا بەرزببێتەوە.

زانیاری زیاتر بۆ تۆ:

بەڕێوبەری پەروەردەی سلێمانی: بەدواداچوونی ورد بۆ گیانلەدەستدانی قوتابییە 10 ساڵانەکە دەکەین