د. کرمانج محەممەد، پزیشکی پسپۆڕی جومگە و ڕۆماتیزم، سەبارەت بە پێی تەخت، دەڵێت:

• پێی تەخت حاڵەتێکە تێیدا کەوانەی بنی پێ نامێنێت و دەبێتەهۆی ئەوەی لەکاتی ڕاوەستاندا تەواوی بنی پێ بەر زەوی بکەوێت
• لە کەسی ئاساییدا کەوانەی پێ لە تەمەنی چوار بۆ شەش ساڵیدا دروست دەبێت

هۆکارەکانی دروستبوونی پێی تەخت

• پێی تەخت لە زۆربەی کاتدا حاڵەتێکی زگماکییە، بەڵام دەکرێت بە هۆکارەکانی وەک پیربوون، بەرکەوتن بە زەبر و شکاوی، قەڵەوی، یان هەندێک حاڵەتی دیکەی پزیشکییەوە دروست ببێت
• لە کاتێکدا هەندێک کەس کە پێی تەختیان هەیە هیچ نیشانەیەکیاین نییە، ژیانێکی ئاسایی بەڕێ دەکەن، هەندێکی دیکەیان لەوانەیە ئازار و ناڕەحەتیان هەبێت، بە تایبەت لە وەستان یان ڕۆیشتن بۆ ماوەیەکی زۆر یاخود لە کاتی وەرزشکردن

چارەسەرەکانی پێی تەخت چین؟

• بەکارهێنانی پێڵاو یان ناوکەفی تایبەت بە پێی تەخت بە پێی بڕیاری پزیشكی پسپۆڕ
• چارەسەری جەستەیی: ڕاهێنانی کشان و بەهێزکردنی ماسولکە و بەستەرەکانی پێ یارمەتیدەرە بۆ کەمکردنەوەی ئازار و گەڕانەوەی کەوانەی بنی پێ لە هەندێک لە حاڵەتە سوک و مامناوەندەکاندا
• بەکارهێنانی دەرمانی دژەهەوکردن یان بەکارهێنانی سەهۆڵ دەتوانن یارمەتیدەر بن بۆ کەمکردنەوەی ئازار
• دوورکەوتنەوە لە وەستانی درێژخایەن یان ئەو چالاکییانەی کە ئازار و ناڕەحەتی زیاد دەکەن
• ئەگەر چارەسەرە سەرەتاییەکان شکستیان هێنا و ئازارەکە بەردەوام بوو، ڕەنگە ڕاستکردنەوەی نەشتەرگەری لە بەشێک لە چارەخوازاندا ڕێگەیەکی گونجاو بێت بۆ چارەسەر

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

تەختیی پێ چ کێشەیەک دروستدەکات؟