• فەرمانگەی پەیوەندییەکانی دەرەوە ڕاسپێردراوە بە مەبەستی گەیاندنی سکاڵای وەزارەتی ڕۆشنبیری و لاوان لەبارەی کۆپیکردنی دیزاینی فەرەنجی کوردی لەلایەن براندی لوی ڤیتۆنەوە.

• نامیق هەورامی: ئەگەر بڕیارە لەلایەن وڵاتانەوە دیزاینەکە کۆپی بکرێت، دەبێت ناوی کوردستان بهێنرێت.

---

نامیق هەورامی، وتەبێژی وەزارەتی ڕۆشنبیری و لاوانی هەرێمی کوردستان، بە کولتووری کەناڵ8ی ڕایگەیاند:

وەزارەتەکەمان پڕۆژەیەکی کولتووریی و یاسایی ڕادەگەیێنێت، ئەویش ڕاستکردنەوەی بابەتێکە کە لەلایەن کۆمپانیای لوی ڤیتۆنەوە دیزاینی "فەرەنجی" کوردی بەکارهێنراوە بەبێ ئەوەی ئاماژە بە ناوی کوردستان بهێنرێت

---

وتیشی: جلوبەرگ بەشێکی گرنگی کولتووری ئێمەیە، ئەگەر بڕیارە لەلایەن وڵاتانەوە دیزاینەکەی کۆپی بکرێت، دەبێت ناوی کوردستان بهێنرێت، بە پێچەوانە ئێمە سکاڵا تۆماردەکەین.

---

فەرمانگەی پەیوەندییەکانی دەرەوە سکاڵاکە دەگەیەنن بە حکومەتی فەرەنسا.

ئایا لوی ڤیتۆن دیزاینی فەرەنجی دزیوە؟