داوا دەکرێت یارییەکانی جامی کەنداوی 2028 لە سلێمانی بکرێت
پووختەی هەواڵەکە:
- یارییەکانی جامی کەنداو 2028 لە عێراق ئەنجامدەدرێت.
- مەحمود ئەحمەد موراد: داوا دەکەین یارییەکان لە سلێمانی بکرێت.
- پارێزگاری سلێمانی: ئامادەین بۆ پێشوازیکردن و میوانداریکردنی یارییەکان.
یەکێتی ناوەندی تۆپی پێی عێراق توانی میوانداری یارییەکانی جامی کەنداوی 2028 بەدەستبهێنێت و یارییەکان لە عێراق ئەنجامدەدرێت، شاری سلێمانیش بەربژێرە بۆ ئەوەی میوانداریی پاڵەوانێتیەکە بکات.
بەربژێرکردنی سلێمانی بۆ میوانداریکردنی یارییەکانی جامی کەنداو
- ئەندامێکی فیدراسیۆنی تۆپی پێی عێراق ڕاگەیاند، سلێمانی بەربژێر دەکەن بۆ لە میواندیکردنی یارییەکانی جامی
- کەنداو و تەواوی پێویستییەکانی سەرکەوتنی ئەو پاڵەوانێتییەش لە شارەکەدا هەیە.
- هەوڵەکانیان دەستپێکردووە لە ئێستاوە لەگەڵ سەرۆک و ئەندامانی فیدراسیۆنەکەی لە گفتوگۆی ئەو بابەتەیە.
- پارێزگاری سلێمانیش ڕایگەیاند، ئامادەن بۆ پێشوازیکردن و میواندیکردنی پاڵەوانێتی جامی کەنداو.
لێدوانی ئەندامێکی فیدراسیۆنی تۆپی پێی عێراق
مەحمود ئەحمەد موراد، ئەندامی فیدراسیۆنی تۆپی پێی عێراق ڕاگەیاند، سلێمانی بەربژێر دەکەن بۆ لە میواندیکردنی یارییەکانی جامی کەنداو و تەواوی پێویستییەکانی سەرکەوتنی ئەو پاڵەوانێتییەش لە شارەکەدا هەیە.
مەحموود ئەحمەد موراد کە هاوکات جێگری سەرۆکی یانەی پێشمەرگەیە، دەشڵێت هەوڵەکانیان دەستپێکردووە لە ئێستاوە لەگەڵ سەرۆک و ئەندامانی فیدراسیۆنەکەی لە گفتوگۆی ئەو بابەتەیە چونکە تەواوی پێویستیەکانی سەرکەوتنی ئەو پاڵەوانێتییە لە شاری سلێمانی هەیە و پارێزگاری شارەکەش پشتیوانی خۆی بۆ دووپات کردووەتەوە.
هاوکات هەڤاڵ ئەبوبەکر، پارێزگاری سلێمانی ڕایگەیاند، ئامادەن بۆ پێشوازیکردن و میواندیکردنی پاڵەوانێتی جامی کەنداو.
جامی کەنداوی 2028 بڕیارە لە 9ی کانوونى یەکەمى 2028 دەستپێبکات و لە 22ی کانوونى یەکەم کۆتایی بێت.
كۆتا جار كە پاڵەوانێتیەكە لە عێراق بەڕێوەچوو، ساڵی 2023 بوو كە عێراق میوانداری کردبوو توانی ببێتە پاڵەوان و لەیاری كۆتاییدا لە عومانی بردەوە بە ئەنجامی 3-2.
مانگی ڕابردووش، ئاهەنگی کردنەوەی خولی ئەستێرەکانی عێراق لە شاری سلێمانی ئەنجامدرا و بووە جێگەی ڕەزامەندی یەکێتی تۆپی پێی عێراق و ئاهەنگێکی گەورە و شایستە ئەنجامدرا.
زانیاری زیاتر بۆ تۆ:
54 خولەک پێش ئێستا